كەزدەسۋ بارىسىندا ەنەرگەتيكا مينيسترلىگى, قمگ جانە «ەني يساتاي ب.ۆ.» اراسىندا كاسپي تەڭىزىنىڭ قازاقستاندىق سەكتورىنداعى «اباي» تەڭىز ۋچاسكەسىن بىرلەسىپ يگەرۋ شەڭبەرىندە كومىرسۋتەكتەردى بارلاۋ مەن ءوندىرۋ قۇقىعىن بەرۋ بويىنشا تىكەلەي كەلىسسوزدەر حاتتاماسىنا قول قويىلدى.
كەلىسسوزدەردىڭ ناتيجەسى بويىنشا تاراپتار قازاقستان پايداسىنا قول قويۋ بونۋسىن تولەۋ (جەر قويناۋىن پايدالانۋشىنىڭ كەلiسiمشارت جاسالاتىن اۋماقتا جەر قويناۋىن پايدالانۋ جونiندەگi قىزمەتتi جۇزەگە اسىرۋ قۇقىعى ءۇشiن بiرجولعى تiركەلگەن تولەم – قر سالىق كودەكسى) جانە جەر قويناۋىن پايدالانۋشىنىڭ جەرگىلىكتى قامتۋ ۇلەسى بويىنشا مىندەتتەمەلەرى تۋرالى كەلىستى.
ىنتىماقتاستىقتىڭ كەلەسى كەزەڭى «اباي» ۋچاسكەسىندە كومىرسۋتەك شيكىزاتىن بارلاۋ جانە ءوندىرۋ جۇمىستارىنا كەلىسىمشارت جاساسۋ بولادى.
ەسكە سالا كەتەيىك, 2019 جىلعى ناۋرىز ايىندا قمگ جانە ەني كومپانياسى «اباي» ۋچاسكەسى جونىندەگى جوبانى بىرلەسىپ ىسكە اسىرۋ شەڭبەرىندە بىرلەسكەن قىزمەت تۋرالى كەلىسىمگە جانە قارجىلاندىرۋ تۋرالى كەلىسىمگە قول قويعان بولاتىن.
