پرەزيدەنت • 04 شىلدە، 2019

قاسىم-جومارت توقاەۆ «Polymetal» كومپانياسىنىڭ پرەزيدەنتى يگور فينوگەنوۆتى قابىلدادى

232 رەت كورسەتىلدى

بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسىنا «Polymetal» كاسىپورنىنىڭ قازاقستان مەن رەسەي نارىعىندا جۇزەگە اسىرىلىپ جاتقان ءىرى جوبالارى تۋرالى مالىمەت بەرىلدى.

قازاقستان پرەزيدەنتى «Polymetal» كاسىپورنىنىڭ «استانا» حالىقارالىق قارجى ورتالىعىنىڭ بيرجاسىنا ەنۋىمەن قۇتتىقتاپ، كومپانيانىڭ ءبىزدىڭ ەلدەگى جۇمىسىنا توقتالدى.

– «Polymetal» «استانا» حالىقارالىق قارجى ورتالىعىنىڭ بيرجاسىندا ورنالاسقان العاشقى شەتەلدىك كومپانيا اتانۋىمەن قۇتتىقتايمىن جانە ريزاشىلىعىمدى بىلدىرەمىن. سىزدەر شىعىس قازاقستان وبلىسىنداعى باقىرشىق كەن ورنىندا «قىزىل» جوباسىن تابىستى اياقتادىڭىزدار. قوستاناي وبلىسىنداعى التىن كەن ورنىندا دا جوبالار جۇزەگە اسىر ىپ جاتىرسىزدار، – دەدى قاسىم-جومارت توقاەۆ.

يگور فينوگەنوۆ «استانا» حقو شەتەلدىك كومپانيالاردىڭ قازاقستاندا جۇمىس ىستەۋىنە ۇلكەن ينۆەستيتسيالىق مۇمكىندىكتەر جاساپ وتىرعانىن اتاپ ءوتتى.  

– «استانا» حالىقارالىق قارجى ورتالىعىنىڭ بيرجاسىنا ەنۋىمىزدى ۇلكەن جەتىستىك دەپ سانايمىز. ويتكەنى، بۇل قازاقستاندا قارجىلىق جوبالاردى جۇزەگە اسىرۋعا باعىتتالعان العاشقى قادامىمىز. ءبىز  گەولوگيالىق بارلاۋ جۇمىستارىنا ينۆەستيتسيا سالۋعا مۇددەلىمىز، ال بيرجا بۇل ءۇشىن جاقسى مۇمكىندىك، – دەدى يگور فينوگەنوۆ.

كەزدەسۋ سوڭىندا تاراپتار ىنتىماقتاستىقتىڭ الداعى ۋاقىتتا دا ارتا بەرەتىنىنە سەنىم ءبىلدىردى. 

سوڭعى جاڭالىقتار

كابۋلدا جارىلىس بولدى

وقيعا • بۇگىن، 17:08

وتاندىق فيلمدەردىڭ ۇلەسى ارتادى

قازاقستان • بۇگىن، 16:20

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

ۇقساس جاڭالىقتار