ايماقتار • 04 شىلدە، 2019

نۇر-سۇلتاندا زاماناۋي حالىقارالىق ونەر كورمەسى اشىلدى

145 رەتكورسەتىلدى

بۇگىن ەلوردادا Astana Art Show-2019 اياسىندا «Racing the Galaxy» زاماناۋي ونەر كورمەسىنىڭ سالتاناتتى اشىلۋ ءراسىمى ءوتتى. ءىس-شاراعا 15 ەلدىڭ 20 سۋرەتشىسى قاتىسادى. بۇل تۋرالى قالا اكىمدىگىنىڭ سايتى حابارلادى.

سۋرەتشىلەردىڭ بىرەگەي جۇمىستارى تاۋەلسىزدىك سارايىندا، بەيبىتشىلىك جانە كەلىسىم سارايىندا جۇرتشىلىققا ۇسىنىلادى، بىرنەشە ارت-نىسان نۇر-سۇلتان قالاسىنىڭ كەڭىستىگىن بەزەندىرەدى. 

«Racing the Galaxy» حالىقارالىق كورمەسىندە ميكەلاندجەلو پيستولەتتو (يتاليا)، لەاندرو ەرليح (ارگەنتينا)، Joel Andrianomearisoa (ماداگاسكار و.)،: mentalKLINIK (تۇركيا)، اسحات احمەدياروۆ (قازاقستان) جانە تاعى باسقا تانىمال قازاقستاندىق جانە شەتەلدىك سۋرەتشىلەردىڭ تۋىندىلارى ۇسىنىلادى. جوبا جەتەكشىلەرى ARTIOS جانە TSE Art Destination نەگىزىن قالاۋشى دينا بايتاسوۆا مەن الەمگە تانىمال فرانتسۋز كۋراتورى جانە حالىقارالىق ارت-ديرەكتورى جەروم سانس ءسوز سويلەدى. 

ASTANA ART SHOW – بۇل كەرەمەت وقيعا نەگىزىندە جينالاتىن بارلىق سۋرەتشىگە ءتان نوماديزم مەن ەركىندىك رۋحى. 

ASTANA ART SHOW 2019 تەك كوركەم ەكسپوزيتسيالاردى عانا ەمەس تەگىن ءبىلىم بەرۋ باعدارلاماسىن دا قامتيدى: شەبەرلىك سىنىپتارى، ۆوركشوپتار، كوپشىلىك لەكتسيالار، وتباسىلىق ساپار جانە ت.ب.



سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار