«سولتۇستىك سوياسى» مەملەكەتتىك باعدارلاماسى رەسپۋبليكادا جۇزەگە اسىرىلىپ جاتىر. وبلىس اكىمى ارحيمەد مۇحامبەتوۆ وبلىستىڭ ىلعالى مول سولتۇستىك اۋداندارى اكىمدەرىنىڭ الدىنا 2020 جىلى سەبىلەتىن سويا تۇقىمىن الۋدى تاپسىردى.
سويا داقىلىن قارا توپىراقتى فەدوروۆ اۋدانىنداعى «ترويانا» جاۋاپكەرشىلىگى شەكتەۋلى سەرىكتەستىگى 2012 جىلدان باستاپ ەگىپ كەلەدى. شارۋاشىلىق جەتەكشىسى يۋري مالىشكو شارۋاشىلىق باسشىلارى الدىندا ءوز تاجىريبەسىمەن ءبولىستى.
«ەڭ الدىمەن سويا داقىلى نارىقتا قىمبات. مىسالى وتكەن جىلى ءبىز تونناسىن 140 مىڭ تەڭگەدەن ساتتىق, مۇنى ارزان بەرىپ قويعانىمىزدى كەشىرەك بىلدىك, ايتپەسە ونىڭ باعاسى تونناسىنا 160 مىڭ تەڭگەدەن تومەن تۇسپەيدى. ەكىنشىدەن سويا ەككەن جەرگە ەگىلگەن كەز كەلگەن داقىلدىڭ ءونىمى جوعارىلايدى. مىسالى ءبىز سويا القاپتارىنا ەككەن بيدايدىڭ ءار گەكتارىنان 38 تسەنتنەردەن ءونىم الدىق» دەدى يۋري مالىشكو.
«ترويانا» شارۋاشىلىعى سويانى ەگىس القابىنىڭ 10 پروتسەنتىنە دەيىن جەتكىزدى. مۇنىڭ سىرتىندا مايلى, بۇرشاق داقىلدارىن دا ەگەدى. يۋري ميحايلوۆيچ ارىپتەستەرىن سويا ەگۋگە, «سولتۇستىك سوياسى» باعدارلاماسىنا قاتىسۋعا شاقىردى.
قوستاناي
