ايماقتار • 03 شىلدە، 2019

نۇر-سۇلتاندا العاش رەت «كورپە FEST» مەگا-فەستيۆالى وتەدى

159 رەتكورسەتىلدى

«اسىل انا» الەۋمەتتىك جوباسى اياسىندا 4-6 شىلدە ارالىعىندا ەلىمىزدە تۇڭعىش رەت ەلوردا كۇنىنە ارنالعان «كورپە FEST» مەگا-فەستيۆالى وتەدى. بۇل تۋرالى قالا اكىمدىگىنىڭ رەسمي سايتى حابارلادى.

فەستيۆال اياسىندا كوپبالالى انالارعا تىگىن جانە قولدانبالى ونەر بويىنشا تەگىن وقىتۋ ساباقتارى وتەدى.   

شەبەرلىك ساباقتاردى ەلدەن تىس جەردە تانىمال ۇلتتىق قولونەر بۇيىمدارىن شىعاراتىن ەتنو-ديزاينەر، قر پرەزيدەنتىنىڭ «التىن ساپا» سىيلىعىنىڭ لاۋرەاتى، «قۇرمەت» وردەنىنىڭ يەگەرى ىرزا تۇرسىنزادا وتكىزەتىن بولادى. قولونەر ساباقتارى ساعات 11-دە «كورمە» كورمە زالىندا باستالادى.  ماستەر-كلاسس قاتىسۋشىلارىنا قولدانبالى ونەردىڭ نەگىزدەرى مەن قۇپيالارى، ءوز بيزنەسىن اشۋ تاسىلدەرى، ونى تابىس تابۋ ءۇشىن الەۋمەتتىك جەلىلەردە جۇرگىزۋ تۋرالى ۇيرەتىلەدى.   

«شاراعا كوپبالالى انالار قاتىسا الادى. ءوز كەزەگىندە قاتىسۋشىلار ەلىمىزدىڭ تابىستى ايەلدەرىمەن ءبىر قاتاردا ناتيجەگە جەتۋگە ۇمتىلۋ ءتيىس»، - دەپ اتاپ ءوتتى ۇيىمداستىرۋشىلار. 

سونىمەن قاتار، 6-10 ماۋسىمدا وتكەن «اسىل انا» ترەنينگ-سەمينارىنا قاتىسقان كوپبالالى انالار «كورپە fest» مەگا-فەستيۆالى بايقاۋىنا قاتىسادى. 

بايقاۋعا قاتىسۋشىلار ءوز جۇمىستارىن كورمەگە ۇسىنسا، فەستيۆال قوناقتارى ەڭبەكتەرىنە باعا بەرەدى. ال جەڭىمپازدار ديپلومدارمەن، تىگىن ماشينكالارىمەن جانە باسقا دا باعالى سىيلىقتارمەن ماراپاتتالادى. 

«كورپە FEST» فەستيۆالىنە قاتىسۋ تۋرالى تولىق اقپاراتتى ىرزا تۇرسىنزادانىڭ ينستاگرام پاراقشاسىنان بىلۋگە بولادى (https://www.instagram.com/yrza_tursynzada/?igshid=153y20ihdmsb3). بايلانىس تەلەفوندارى: +7 775 997 68 66، + 7 775 860 41 41.


سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار