• 30 ءساۋىر, 2013

100 ميلليارد تەڭگەنى جىمقىرعان كاسىپكەردىڭ ۇستىنەن قىلمىستىق ءىس قوزعالدى

285 رەت

كورسەتىلدى

2 مين

وقۋ ءۇشىن

Egemen Qazaqstan

100 ميلليارد تەڭگەنى جىمقىرعان كاسىپكەردىڭ ۇستىنەن قىلمىستىق ءىس قوزعالدى

سەيسەنبى, 30 ءساۋىر 2013 2:50

ەلىمىزدىڭ سولتۇستىك ءوڭىرلەرىندەگى ءىرى اۋىل شارۋاشىلىعى كاسىپورنى – «بوگۆي» كومپانياسىنىڭ باسشىسى ۆيكتور بوگدانەتس ارتىق-كەمى جوق تۋرا 100 ملرد. تەڭگە كولەمىندەگى مەملەكەت قارجىسىن تالان-تاراجعا سالعانعا ۇقسايدى. كۇنى كەشەگە دەيىن اقمولا جانە سولتۇستىك قازاقستان ايماعىنداعى ەڭ تانىمال بيزنەسمەندەردىڭ ءبىرى سانالعان ول ناعىز تازا ادام رەتىندە باعالانىپ كەلگەن ەكەن. بۇل تۋرالى «ەكسپرەسس ك» گازەتى حابارلادى.

سەيسەنبى, 30 ءساۋىر 2013 2:50

وتكەن سارسەنبىنىڭ ساتىندە وبلىس قارجى پوليتسەيلەرى «بوگۆي» جشس وفيسىنە ساۋ ەتىپ كىرىپ كەلىپ, ونىڭ باسشىسى ۆيكتور بوگدانەتستى تۇتقىنعا الادى. ازىرگە ول ءۇش تاۋلىككە ۋاقىتشا ۇستاۋ وقشاۋلاعىشىنا قامالعان. بيزنەسمەنگە اسا ءىرى كولەمدە الاياقتىق جاسادى دەگەن سيپاتتاعى ايىپ تاعىلىپ وتىر. باسىلىم اتاپ وتكەندەي, قازاقستاننىڭ ءىرى استىق ءوندىرۋشى بەس كومپانياسى قاتارىنا كىرەتىن بوگدانەتستىڭ فيرماسى كوپتەگەن ميلليارد تەڭگەنى قۇرايتىن قارىزعا بەكەم باتىپ قالعان كورىنەدى.

بۇل ءىستىڭ القيسساسى مىناداي. 2010 جىلى «بوگۆي» ءوزىنىڭ سىرتقا استىق شىعارۋ ءۇشىن كەرەكتى قاراجاتىن قازاقستان دامۋ بانكىنەن الادى. باستاپقىدا كاسىپكەر وسى العان اقشاسىنىڭ پايىزىن ۋاقىتىندا قايتارىپ تۇرادى. سوسىن تولەۋدى بىردەن توقتاتىپ تاستايدى. سوندىقتان 2012 جىلى «ازىق-ت ۇلىك» ۇلتتىق كورپوراتسياسى سوتقا «بوگۆيگە» قارسى تالاپ-ارىز بەرەدى. ال سوت شەشىمى بويىنشا كاسىپورىننىڭ ميلليارد تەڭگەدەن ارتىق اقشا قاراجاتى ساقتالعان بارلىق شوتتارى قاماۋعا الىنادى. ازىرگە قارجى پوليتسياسى ۆيكتور بوگدانەتستىڭ ناقتىلى قانشا اقشانى تالان-تاراجعا سالعانىن ايتىپ وتىرعان جوق. دەگەنمەن, ءالى ناقتىلانباعان دەرەكتەرگە قاراعاندا, اڭگىمە 100 ملرد. تەڭگە تۋراسىندا قوزعالىپ جاتقانعا ۇقسايدى.

ساكەن مايلىباي.