عىلىم مەن ءوندىرىستىڭ بىرلىگى – يننوۆاتسيالىق جەتىستىك كوزى

وتاندىق عالىمدار «قازترانسويل» اق (بۇدان ءارى – قتو) بازاسىندا تەز قاتاتىن جانە جوعارى تۇتقىرلى مۇ­ناي­­دى تاسىمالداۋدا ەسەپتەۋ, جوس­­پارلاۋ جانە وڭتايلاندىرۋ ءجۇ­يەسىن قۇردى, سونداي-اق قتو كا­سىپ­ورىندارىندا SmartTran ما­گيست­رالدىق مۇناي قۇبىرلارى بو­يىنشا مۇناي تاسىمالداۋدىڭ بىرەگەي وتاندىق ساندىق تەحنولوگياسى ەنگىزىلگەن.

SmartTran باعدارلامالىق جا­ساقتاما ناقتى ۋاقىت رەجىمىن­دە ديسپەتچەرلىك باسقارمادان الىن­عان دەرەكتەردى وڭدەيدى, ولار­­عا مونيتورينگ پەن ىڭعايلى تۇر­پات­تاعى ۆيزۋاليزاتسيا جۇرگى­زە­دى. ايتا كەتۋ كەرەك, بۇل ين­نو­ۆا­تسيالىق زەرتتەۋ مۇناي ايداۋدىڭ ەنەر­گيا ۇنەمدەۋ تارتىپتەرىن ەسەپ­تەۋ جانە مۇناي قۇبىرىنىڭ توق­تاۋ قاۋىپسىزدىك ۋاقىتىن بەل­گى­لەۋ بويىنشا فۋنكتسيونالىن قامتيدى. جيىنتىعىن­دا ما­گيست­رالدىق مۇناي قۇبى­رىن پاي­دا­لانۋدىڭ سەنىمدىلىگى مەن جۇمى­سى­نىڭ تيىمدىلىگى ۇلعايا تۇسەدى. 

بۇل يننوۆاتسيالىق تەحنولو­گيا قتو-عا الەۋمەتتىك ەكونوميكالىق باسىم ماسەلە­لەردى شەشۋمەن بىرگە, ىشكى جانە سىرتقى نارىقتارداعى باسە­كە­گە قابىلەتتىلىكتى ارتتىرۋىن قام­تاماسىز ەتتى.

وتاندىق عالىمدار ە.ق.بەي­سەمبەتوۆ, ت.ت.بەكىباەۆ, ۇ.ق.جاپ­باسباەۆ, ب.ك.كەنجاليەۆ ء(سات­باەۆ ۋنيۆەرسيتەتىنىڭ عالىم­دارى) جانە ە.ماحموتوۆ, ب.ك.ساياحوۆ («قازترانسويل» اق-نىڭ عا­لىم­دارى) مۇناي قۇبىرلارى ار­قىلى تاسىمالداۋدا وتاندىق تسيفر­لى تەحنولوگيانىڭ تابىستى قول­دانۋىن كورسەتتى.

وسى جۇمىستىڭ اۆتورلارى جاساعان SmartTran باعدار­لامالىق جاساقتاماسى مۇناي جانە مۇ­ناي قوسپالارىن تاسىمالداۋ­دى وڭتايلى باسقارۋ جۇيەسىن انىقتاۋ جانە ەنەرگيانى ۇنەمدەۋ ماسەلەسىنىڭ شەشىمىن انىقتا­دى. SmartTran باعدارلامالىق جاساق­تاماسى وعان ۇقساس كوپتەگەن شەتەلدىك باعدارلامالارمەن سا­لىستىرعاندا كەلەسى ارتىق­شى­لىقتارعا يە:

1. دەپرەسسورلىق قوسپانى قول­دانۋ ارقىلى تەز قاتاتىن مۇ­نايدى تاسىمالداۋدا ەنەرگيا ۇنەمدەۋ سورعى اگرەگاتتارىنىڭ وڭتايلى رەجىمدەرى ارقىلى انىقتالدى;

2. قىزدىرۋ پەشتەرىنىڭ ۇنەم­دى جۇمىس ىستەۋىن مۇناي قۇبى­رى­نىڭ گيدراۆليكالىق جانە جىلۋ­لىق كورسەتكىشتەرىنە بايلا­نىس­­تى مۇناي قوسپاسىن ىستىق ايداۋ­دىڭ وڭتايلى تەمپەراتۋراسى انىقتالدى;

3. جانارماي مەن ەلەكتر ەنەرگياسى تاريفتەرىنىڭ ايىرما­شىلى­عىن ەسكەرە وتىرىپ, مۇناي قوس­پا­لارىن تاسىمالداۋدىڭ تەح­نو­لو­گيالىق رەجىمدەرىنىڭ ەكو­نو­مي­كالىق تيىمدىلىگى انىقتالدى.

ا.قۇلتۋميەۆ, 

«قازترانسويل» اق