وسى ماسەلە بويىنشا كاسىپكەرلەردى اقپاراتتاندىرۋ ماقساتىندا يندۋستريالىق سەرتيفيكاتتى قولدانۋ شارتتارى مەن مەحانيزمدەرى تۋرالى ماڭعىستاۋ وبلىسى كاسىپكەرلەر پالاتاسىندا باسقوسۋ ءوتتى. يندۋستريالىق سەرتيفيكات - وتاندىق تاۋار وندىرۋشىلەردىڭ, جۇمىستار مەن كورسەتىلەتىن قىزمەتتەردىڭ تىزىلىمىندە ءوتىنىش بەرۋشىنىڭ بولۋىن راستايتىن قۇجات.
بۇل - ءوتىنىش بەرۋشىنى تىزىمگە ەنگىزۋ كەزىندەگى نەگىزگى قۇجاتتاردىڭ ءبىرى. تاۋار ءوندىرۋشىنىڭ تىزىلىمدە بولۋ مەرزىمى جىل سايىنعى جاڭارتۋدى ەسكەرە وتىرىپ, ۇزارتۋ قۇقىعىمەن قوسا ەسەپتەگەندە ءۇش جىلدى قۇرايدى.
اتاپ وتەيىك, تورالقانىڭ 2018 جىلعى 28 جەلتوقسانداعى №28 شەشىمىمەن وتاندىق تاۋار, جۇمىس جانە قىزمەت وندىرۋشىلەر ءتىزىلىمىن قالىپتاستىرۋ جانە جۇرگىزۋ, سونداي-اق يندۋستريالىق سەرتيفيكاتتار بەرۋ قاعيدالارى بەكىتىلدى.
كاسىپكەرلەرمەن كەزدەسۋ بارىسىندا وكپ ديرەكتورىنىڭ ورىنباسارى نۇرلىبەك جارىلعاپوۆ «يندۋستريالىق سەرتيفيكات يەلەرى ونى الدىن الا بىلىكتىلىك ىرىكتەۋىنەن ءوتۋ كەزىندە قولدانا الادى جانە جالپى بالل سوماسىنىڭ 20% قوسىمشا الادى. بۇدان باسقا, يندۋستريالىق سەرتيفيكات مەملەكەتتىك ساتىپ الۋعا قاتىسۋعا, وتاندىق تاۋارلاردى, جۇمىستار مەن قىزمەتتەردى شەتەلدە كورسەتۋ بويىنشا شىعىنداردى وتەۋگە رۇقسات بەرەدى. وتاندىق تاۋار وندىرۋشىلەر, جۇمىس جانە قىزمەت وندىرۋشىلەر تىزىلىمىنە كىرۋ ءۇشىن كاسىپكەر ەتسك كومەگىمەن «doc24.kz» سايتتا تىركەلۋى قاجەت» دەيدى.
1 شىلدەدەن باستاپ مەملەكەتتىك ساتىپ الۋ ەرەجەلەرىنە وزگەرىستەر ەنگىزىلەدى, وعان سايكەس «قاراپايىم زاتتار ەكونوميكاسى» تاۋارلاردى ساتىپ الۋعا بىلىكتى جەتكىزۋشىلەر تىزىلىمىنە ەنگىزىلگەن وندىرۋشىلەر عانا قاتىسا الادى. ونىڭ ۇستىنە, ءبىرىنشى كەزەكتە جاڭا ەڭگىزىلىمدەر جيھاز جانە جەڭىل ونەركاسىپ كاسىپورىندارىنا اسەر ەتەدى.
- سەرتيفيكاتتى الۋ ءراسىمى ەكى كەزەڭدە جۇزەگە اسىرىلادى. ءبىرىنشى - سالالىق ساراپشى ءوندىرىستىڭ جاي-كۇيىن كوزبەن كورىپ, تالداۋ جۇرگىزەدى. جەرگىلىكتى جەردە ءوندىرىستىڭ ناقتى جاعدايىن كاسىپورىننىڭ ۇسىنىلعان قۇجاتتارىمەن سالىستىرىپ تەكسەرەدى. ەكىنشى كەزەڭ - وڭىرلىك كاسىپكەرلەر پالاتاسىنا ءوتىنىش بەرۋ. بۇل كەزەڭدە ءبىز ءوندىرىستى تەكسەرىپ, قۇجاتتامانى تەكسەرەمىز. قاجەت بولعان جاعدايدا قۇجاتتار پىسىقتاۋعا جىبەرىلەدى, نە يندۋستريالىق سەرتيفيكات بەرۋ تۋرالى شەشىم قابىلدانادى, دەيدى يندۋستريالىق سەرتيفيكاتتى قولدانۋ شارتتارى مەن تەتىكتەرى تۋرالى سەرتيفيكاتتاۋ جونىندەگى مامان اسحات ىسقاقوۆ.
ماڭعىستاۋ وبلىسى
