ايماقتار • 29 ماۋسىم، 2019

پاۆلوداردا World Robot Olympiad ۇلتتىق چەمپيونات ءوتتى

403 رەتكورسەتىلدى

وبلىس ورتالىعىندا وتكەن بۇل چەمپيوناتتى «نازارباەۆ زياتكەرلىك مەكتەبى» دەربەس ءبىلىم بەرۋ ۇيىمىنىڭ باس ورتالىعى ۇيىمداستىردى.

بيىلعى 27 ساۋىردە وڭىردە وتىپ جاتقان جارىستىڭ ايماقتىق كەزەڭىن جۇمىس ساپارىمەن وبلىسقا كەلگەن كەزىندە پرەزيدەنت قاسىم-جومارت توقاەۆ تا كەلىپ كورگەن ەدى.

ياعني، ۇلتتىق چەمپيونات-بۇل جىل سايىن نازارباەۆ زياتكەرلىك مەكتەپتەرى وتكىزەتىن روبوتوتەحنيكا بويىنشا WRO حالىقارالىق كەزەڭىنىڭ ىرىكتەۋ تۋرى سانالادى.

ال، بيىلعى روبوتتىق تەحنيكالار سايىسىنىڭ تاقىرىبى-«اقىلدى قالالارعا» ارنالعان ارنايى «Jasampaz» ساناتى اياسىندا قۇرىلدى.

روبوتوتەحنيكا  قۇراستىرۋشىلار  جوبالارىن «اقىلدى قالالار» تاقىرىبىنا ارناپ، جاڭا زامان بولاشاقتىڭ  قالالارى قانداي بولۋ كەرەكتىگىن جاسايدى.

وبلىس ورتالىعىنداعى نازارباەۆ زياتكەرلىك مەكتەبىنىڭ ديرەكتورى رينات جۇماباەۆتىڭ ايتۋىنشا، بيىل  چەمپيونات وتكىزۋدە بىرقاتار جاڭاشىلدىقتار ەنگىزىلگەن.

العاش رەت وبلىس ورتالىعىندا وتكىزىلىپ، تىكەلەي ونلاين-ترانسلياتسيا كورسەتىلدى.

جارىس   «نەگىزگى»، «شىعارماشىلىق»، «روبوتتار فۋتبولى» جانە «Jasampaz"» تورت باعىت  بويىنشا ءوتتى.

روبوتتىق تەحنيكالار سايىسىنا قاتىسقان 240 وقۋشى ۇزدىك روبوتوتەحنيك  اتاعى ءۇشىن ءوز شەبەرلىكتەرىن، بىلىكتىلىكتەرىن سىنعا سالدى.  

قاتىسۋشىلاردىڭ جاسى – 17 جاسقا دەيىن، ەڭ جاسى – وسكەمەندىك ءامىر جاڭاباەۆ 8 جاستا. 

جىل سايىن اۋىلدىق جەرلەردەن قاتىساتىن جاس روبوتوتەحنيكتەر سانى كوبەيۋدە.

بيىل WRO-عا "Robotech" مايقايىڭ كەنتى،«RoboReBoot»  الماتى وبلىسى الاكول اۋدانى جىلاندى اۋىلى كوماندالارى قوسىلدى.

چەمپيوناتقا حالىقارالىق جانە رەسپۋبليكالىق جارىستاردىڭ جەڭىمپازدارى–زياتكەرلىك مەكتەپتىڭ تالانتتى وقۋشىلارى   Yakutsk International Science Fair-2018 گران – پري يەگەرى نۇرداۋلەت تاۋمەرگەنوۆ،  الەمدىك توپ-10 ۇزدىكتىڭ قاتارىنا ەنگەن سوفيا، روبوتوتەحنيكا بويىنشا ءتۇرلى كونكۋرستاردىڭ بىرنەشە دۇركىن جەڭىمپازى، ەلباسىنا «روبوت-ترۋبوچيست» جوباسىن تانىستىرعان قۋانىش مادەن قاتىستى.

ءسويتىپ، WRO كۋبوگى چەمپيونات قورىتىندىسى بويىنشا ۇزدىك كوماندا ءابسوليۋتتى چەمپيوندىقتىڭ ارنايى كۋبوگى –ورال قالاسىنداعى فيزيكا-ماتەماتيكا باعىتىنداعى زياتكەرلىك مەكتەبىيەلەندى.

بۇل مەكتەپ WRO–دان ەلىمىزدە، الەم بويىنشا جوعارى جەتىستىكتەر كورسەتىپ كەلەدى. روبوتوتەحنيكا كۋرستارى جۇيەلى جۇمىس جاساۋدا.

چەمپيوناتتا WRO-نىڭ باسقا دا جۇلدىزدارى جوعارى ناتيجەلەر كورسەتتى.

وتكەن جىلى تايلاندتا وتكەن دۇنيەجۇزىلىك روبوتوتەحنيكالىق وليمپيادادا الەمدىك توپتىڭ 10-دىعىنا ەنگەن كوكشەتاۋلىق سوفيا كوكورينا  بۇل جولى دا جەڭىسكە جەتتى.

شىعارماشىلىق كاتەگوريادا تالدىقورعاندىق دانيل فيليمونوۆتىڭ «روبوت-سۋرەتشى» جوباسى كوپشىلىكتى تاڭقالدىردى.

الماتى وبلىسى الاكول اۋدانى جىلاندى اۋىلىنىڭ «RoboReBoot» كومانداسى اۋىل مەكتەپتەرىن قولداۋ ارنايى ماراپاتىنا يە بولدى.

«Creativity Award» اتالىمى بويىنشا جۇلدە پاۆلودار، «Girl power»سەمەي، ال «Engineering Simplicity Honors Award» تالدىقورعان زياتكەرلىك مەكتەپرىنە بەرىلدى. 

ۇزدىك روبوتوتوتەحنيكا بىلگىرلەرى  مەدالدار، ديپلومدار جانە باعالى سىيلىقتارمەن ماراپاتتالدى.

جەڭىمپازدار بيىلعى جىلدىڭ 14-16 قاراشادا بۋداپەشت قالاسىندا وتەتىن WRO – 2019 وليمپياداسىنىڭ الەمدىك كەزەڭىنە ىرىكتەۋگە قاتىسادى. 

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار