– قىرىمبەك ەلەۋ ۇلىن ءبارىڭىز جاقسى بىلەسىزدەر. ول ەلىمىزگە بەلگىلى, تانىمال ازامات. قىرىمبەك ەلەۋ ۇلى – ءتۇرلى باسقارۋ ورتالىقتارىندا جاۋاپتى قىزمەت اتقارعان تاجىريبەلى باسشى. مەملەكەتىمىزدىڭ دامۋ جاعدايىن جاقسى بىلەدى. تاپسىرىلعان جۇمىستاردىڭ ءبارىن جوعارى دەڭگەيدە اتقارادى دەپ سەنەمىن, – دەدى قاسىم-جومارت توقاەۆ.
مەملەكەت باسشىسى پرەزيدەنت اكىمشىلىگىنىڭ حالىقتىڭ ءال-اۋقاتىن ارتتىرۋ ىسىندە ماڭىزدى ءرول اتقاراتىنىن اتاپ ءوتىپ, ونىڭ قىزمەتىنىڭ نەگىزگى باسىمدىقتارىن بەلگىلەپ بەردى.
– ءبىز سايلاۋالدى تۇعىرنامانىڭ ءىس-قيمىلدار جوسپارى مەن باسقا دا ماڭىزدى باعدارلامالاردى جۇزەگە اسىرۋعا كىرىسەمىز. پرەزيدەنت اكىمشىلىگى بارلىق باستامالاردىڭ, باعدارلامالار مەن ستراتەگيالاردىڭ مۇلتىكسىز ورىندالۋىنا جاۋاپ بەرەتىنىنە كوڭىل اۋدارعىم كەلەدى, – دەدى مەملەكەت باسشىسى.
كەڭەس قورىتىندىسى بويىنشا قازاقستان پرەزيدەنتى بىرقاتار ناقتى تاپسىرما بەردى.
