ۇكىمەت باسشىسى كوپپاتەرلى جانە جەكەمەنشىك ۇيلەر ورنالاسقان «كوكتەم-1» جانە «كوكتەم-2» تۇرعىن ءۇي الاپتارىنا بولدى, زالالدانعان جەرگىلىكتى مەكتەپ, قالالىق اۋرۋحانا مەن حالىققا قىزمەت كورسەتۋ عيماراتتارىن كوردى.
قازاقستان پرەمەر-مينيسترىنە تۇرعىن ءۇي, الەۋمەتتىك, ينفراۇرىلىمدىق جانە قالانىڭ تىرشىلىك ارەكەتىنىڭ باسقا دا نىساندارىنا تيگىزىلگەن زارداپ تۋرالى باياندالدى.
ارالاۋ كەزىندە ا. مامين تج سالدارىن جويۋعا تىكەلەي اتسالىسقان جەرگىلىكتى اقساقالدارمەن جانە ماماندارمەن اڭگىمەلەستى. ولاردىڭ قاتارىنا ساپەرلەر, مەديتسينا قىزمەتكەرلەرى, قۇتقارۋشىلار جانە جەرگىلىكتى بيلىك ورگاندارى بار. ۇكىمەت باسشىسى ولارعا جۇمىستارى ءۇشىن العىس ايتىپ, «بىرلەسكەن ۇيلەسىمدى جۇمىستىڭ ارقاسىندا تۇرعىنداردى ۋاقىتىلى ەۆاكۋاتسيالاپ, تۋىنداعا توتەنشە جاعدايدىڭ اۋقىمدىراق سالدارىنىڭ الدىن الۋ مۇمكىن بولعانىن» اتاپ ايتتى.
ارالاپ كورۋ قورىتىندىسى بويىنشا پرەمەر-مينيستر ارىس قالاسىندا توتەنشە جاعدايلار سالدارىن جويۋ جونىندەگى ۇكىمەتتى كوميسسيا وتىرىسىن وتكىزدى. ونىڭ قۇرامىنا مينيسترلىكتەر مەن وبلىستىق اكىمدىكتەردىڭ باسشىلارى كىردى.
اعىمداعى جاعداي مەن توتەنشە جاعداي سالدارىن جويۋ بويىنشا قابىلدانىپ جاتقان شارالار تۋرالى قر قورعانىس ءمينيسترى ن. ەرمەكباەۆ, ىشكى ىستەر ءمينيسترى ە. تۇرعىمباەۆ, دەنساۋلىق ساقتاۋ ءمينيسترى ە. ءبىرتانوۆ, ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ, ءبىلىم جانە عىلىم ءمينيسترى ا. ايماعامبەتوۆ, ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆ, تۇركىستان وبلىسىنىڭ اكىمى ءو. شۇكەەۆ, پاۆلودار وبلىسىنىڭ اكىمى ب. باقاۋوۆ باياندادى.
پرەمەر-مينيستر ا. مامينگە قازىرگى ۋاقىتتا قالا اۋماعىن ينجەنەرلىك بارلاۋ, ميناسىزداندىرۋ بويىنشا جۇمىستار جالعاستىرىلىپ جاتقانى, ءورت ءسوندىرۋ ەسكەرىلگەنى, ازاماتتاردى ءوز ۇيلەرىنە قايتارۋ جانە ولاردىڭ مال-مۇلكىنىڭ قورعالۋىن قامتاماسىز ەتۋ بويىنشا شارالار قابىلدانىپ جاتقانى تۋرالى باياندالدى. اۋماقتارعا جۇرگىزىلگەن تەكسەرۋلەر ەكولوگيالىق جاعدايعا قاۋىپ ءتونىپ تۇرماعانىن كورسەتتى.
«وزدەرىڭىز بىلەتىندەي, ەلباسى مەن مەملەكەت باسشىسى قالانى جەدەل قالپىنا كەلتىرۋدى تاپسىرعان بولاتىن. بىزگە ارىس قالاسىن شۇعىل قالپىنا كەلتىرۋ بويىنشا بارلىق كۇش-جىگەرىمىزدى جۇمىلدىرۋ قاجەت. ءبىز ارىس قالاسىنداعى بارلىق زاقىم كورگەن جانە بۇزىلعان نىسانداردى 2019 جىلدىڭ 1 تامىزىنا دەيىن جوندەپ, سالۋىمىز كەرەك.بارلىق مىندەتتەر وڭتايلى, ساپالى ءارى ۋاقىتىلى ورىندالۋى كەرەك», - دەدى پرەمەر-مينيستر.
قالانى قالپىنا كەلتىرۋگە ەلىمىزدىڭ بارلىق وڭىرلەرى اتسالىسادى. زارداپ شەككەن تۇرعىن ءۇي عيماراتتارى وبلىستار اراسىندا بولىنەدى, ولار قۇرىلىس بريگادالارىن جىبەرۋى كەرەك. ارىس قالاسىنا بارلىق وبلىستاردىڭ, نۇر-سۇلتان جانە الماتى قالالالارىنىڭ اكىمدەرىنىڭ ورىنباسارلارى قۇرىلىس جۇمىستارىن ۇيىمداستىرۋ ءۇشىن كەلدى. مەملەكەتتىك ماتەريالدىق قوردان بارلىق قۇرىلىس ماتەريالدارى بولىنگەن.
كەڭەس قورىتىندىسى بويىنشا قر ۇكىمەتىنىڭ باسشىسى ا. مامين قالانىڭ تىرشىلىگىن قالىپقا كەلتىرۋ جانە ونىڭ الەۋمەتتىك-ەكونوميكالق دامۋىن قامتاماسىز ەتۋ ءۇشىن 10 كەشەندى شارانى اتاپ ايتتى.
1. ءبىر اي ىشىندە قالاداعى بارلىق تۇرعىن ۇيلەردى جوندەپ ءبىتىرۋ;
2. قوسىمشا الەۋمەتتىك قولداۋ شارالارى رەتىندە قالانىڭ ءاربىر تۇرعىنىنا (44 تىس. 781 چەلوۆەك) ءبىر مەزەتتىك 100 مىڭ تەڭگە كولەمىندە وتەماقى تولەۋ;
3. ارىس قالاسىنان 4 مىڭ بالا ساۋىقتىرۋ لاگەرلەرىنە جىبەرىلەدى;
4. الەۋمەتتىك نىسانداردى جوندەۋدى ۇلتتىق كومپانيالاردىڭ كومەگىمەن ىسكە اسىرۋ كوزدەلگەن, سونداي-اق قۇرىلىس جۇمىستارىنا ءىرى ونەركاسىپتىك كاسىپورىندار مەن بيزەنس قاۋىمداستىق تارتىلاتىن بولادى. 66 الەۋمەتتىك نىساندى «سامۇرىق-قازىنا» ۇاق» جوندەيدى.
5. بيزنەستىڭ الەۋمەتتىك جاۋاپكەرشىلىگى اياسىندا 300-دەن استام شوب كاسىپورنىنا «اتامەكەن» ۇكپ ارقىلى ءىرى بيزنەس قاراجاتى ەسەبىنەن قالپىنا كەلتىرۋ جانە جوندەۋ جۇمىستارىندا كومەك كورسەتىلەدى;
6. قالا كاسىپكەرلەرىنە ا.ج. 1 شىلدەسىنەن باستاپ 5 ملن تەڭگەگە دەيىن جەڭىلدىكپەن نەسيەلەر بەرىلەدى. بيىلعى جىلدىڭ سوڭىنا دەيىن سالىقتىق كانيكۋلدار ۇسىنىلادى;
7. ينجەنەرلىك ينفراقۇرىلىما, ەلەكترمەن جابدىقتاۋ جانە بايلانىس ۇكىمەت قورىنان قاراجات ەسەبىنەن قالپىنا كەلتىرىلەدى;
8. گاز جانە سۋمەن جابدىقتاۋ جۇيەلەرىن جاڭعىرتۋ جانە قايتا جوندەۋ جوسپارلانعان;
9. مەديتسينالىق قىزمەت كورسەتۋ ساپاسىن ارتتىرۋ ماقساتىندا قالا تۇرعىندارىنا ارنالعان اۋرۋحانا مەن ەكى ەمحانا سالىنادى;
10. 2 اپتا بويى قارۋ-جاراقتار اكەتىلە باستايدى. ارسەنال قايتا ورنالاستىرىلادى.
الدىن الا باعالاۋلار بويىنشا, 104 كوپقاباتتى تۇرعىن ءۇي, 7 200-گە جۋىق جەكە مەنشىك ءۇي, 14 مەكتەپ, 2 اۋرۋحانا, 28 بالاباقشا, اۋماقتىق مەملەكەتتىك ورگاندار عيماراتتارى زارداپ شەككەن.
