جاڭا ءتاسىلدىڭ بۇعان دەيىن قولدانىلىپ كەلگەن كولدەتىپ سۋارۋ جۇيەسىنەن وزگەشەلىگى مەن ارتىشىلىعى قانداي؟ سالا جەتەكشىلەرىنىڭ دەرەكتەرىنە سۇيەنسەك, 70 مەتر تەرەڭدىكتە ورناتىلعان سورعى, اۆتوماتتى تۇردە ىسكە قوسىلىپ, اعاشتاردىڭ جانە كوگالدار مەن گۇلزارلاردىڭ ءوز ۋاقىتىندا ءارى تۇراقتى تۇردە سۋمەن قامتىلۋىنا مۇمكىندىك تۋعىزادى. ولاردىڭ ويىنشا بۇل ءتاسىل سۋ تاسيتىن كولىكتەردىڭ كومەگىمەن سۋارعاننان گورى الدەقايدا ءتيىمدى, ءارى الدەقايدا ءتيىمدى.
يزرايلدىق ادىسكە باعىتتالعان تەحنولگيالار اعاشتاردىڭ تامىرىنا كۇن سايىن 100 تەكشە مەتردەن استام سۋ سىڭىرە الادى ەكەن. اقتوبە قالاسىندا الداعى ۋاقىتتا وسىنداي تامشىلاتىن سۋارۋ ادىسىنە ارقا سۇيەيتىن سەگىز جوبانى ىسكە اسىرۋ كوزدەلگەن. ونىڭ تولىقتاي جۇزەگە اسۋى جاڭا سۋارۋ ءتاسىلىنىڭ العاشقى ناتيجەلەرىنە بايلانىستى بولماق.
وسى تاقىرىپ اياسىندا اقتوبە قالاسىندا ورىن الىپ جۇرگەن كەيبىر كەلەڭسىزدىكتەردى ايتا كەتۋدىڭ دە ورايى كەلىپ تۇرعانداي. مۇنىڭ باستى سىرى كۇز بەن كوكتەم ايلارىندا وكىلەتتى ۇيىمدار تاراپىنان پالەنباي مىڭ ءتۇپ تال-تەرەكتەر ەگىلدى دەگەن كەڭ پافوسقا تولى اقپاراتتار مەن راپورتتار بەرىلەتىنىندە. كەيىن جاس وسكىندەردىڭ وسۋىنە ءتيىستى كۇتىم جاسالماي, قۋراپ قالاتىنىندا. مۇنداي بوس ماقتانشىلىق پەن قۇر دابىرا جاعدايىندا اقتوبەدە جاسىل جەلەكتىڭ تەز جايقالىپ وسە قويۋى ەكىتالاي. اعاشتاردى ەكەننەن كەيىن ونگى دەر كەزىندە سۋارۋ مەن كۇتىپ-باپتاۋدىڭ تاعى ءبىر تيىمدىلىگى وتە مول ەكەنى ءمالىم. وسى ورايدا تۇرعىنداردىڭ جاپپاي تال-تەرەك ەگۋ ەن ءوسىرۋ مادەنيەتىن بويلارىنا سىڭىرە الماي جۇرگەنى دە قىنجىلتپاي قويمايدى. مۇنداي جاعدايدا مەگوپوليس قالا اتانۋعا ۇمىتكەر بولىپ وتىرعان اقتوبە وزگە جاعىنان ەمەس, كوشەلەر مەن الاڭداردى جاسىل جەلەككە وراۋ مەن كوگالداندىرۋ تۇرعىسىنان «ءبىر كەم دۇنيەگە» تاپ بولماسىنا ەشكىم كەپىلدىك بەرە المايدى.
