قازاقستان پرەزيدەنتىنە ازاماتتار تاراپىنان تۇتىنۋشىلىق كەپىلسىز نەسيەلەردى تولەۋگە كومەكتەسۋ تۋرالى كوپتەگەن وتىنىشتەر كەلىپ تۇسەدى.
«الەۋمەتتىك جاعىنان ءالجۋاز ازاماتتار, بۇل – كوپ بالالى وتباسىلار, مۇگەدەك بالالارى بار وتباسىلار, جالعىز اسىراۋشىسىنان ايىرىلعان وتباسىلار, اتاۋلى الەۋمەتتىك كومەك الۋشىلار, جەتىم بالالار ءتۇرلى سەبەپتەرگە بايلانىستى ومىرلىك قيىن جاعدايلارعا تاپ بولىپ, وزدەرىنە العان نەسيەلىك مىندەتتەمەلەردى وتەي الماي جۇرگەن جاعدايلار بار», دەدى ءا. سمايىلوۆ.
اتالعان ماسەلە 500 مىڭعا جۋىق ادامىنىڭ پروبلەماسى. سوندىقتان دا, پرەزيدەنت تەڭدەسسىز الەۋمەتتىك قولداۋ كورسەتۋگە شەشىم قابىلدادى, كەشە ءتيىستى جارلىققا قول قويىلدى. جارلىقتىڭ ماقساتى — ومىرلىك قيىن جاعدايلارعا تاپ بولعان قازاقستاندىقتارعا جاردەمدەسۋ, ءوز وتباسىلارىنىڭ قارجىلىق جاعدايىن جاقسارتۋعا مۇمكىندىك بەرۋ.
جارلىقتا ۇكىمەت پەن ۇلتتىق بانككە ءبىر جولعى اكتسيا رەتىندە كەلەسى شارالاردى قابىلداۋ تاپسىرىلدى. تىكەلەي اتاۋلى قارجىلاي كومەك رەتىندە جوعارىدا اتالعان ساناتتىڭ ءاربىر قارىز الۋشىسىنا مەملەكەت ەكىنشى دەڭگەيلى بانكتەر مەن شاعىن قارجى ۇيىمدارىندا نەگىزگى بورىشى مەن وعان ەسەپتەلگەن سىياقىنىڭ جالپى 300 مىڭ تگ دەيىن قارىزىن جابادى. سونىمەن قاتار, قارىز بويىنشا جالپى بەرەشەگى 2019 جىلعى 1 ماۋسىمداعى جاعداي بويىنشا 3 ملن تەڭگەدەن اسپايتىن بولۋى كەرەك.
بانكتەر مەن شاعىن قارجى ۇيىمدارىندا كەپىلسىز تۇتىنۋشىلىق نەسيەلەرى بار بارلىق ازاماتتار ءۇشىن 2019 جىلعى 1 شىلدەدەگى جاعداي بويىنشا جيناقتالعان ايىپپۇلدار مەن وسىماقىلار الىنىپ تاستالادى. بۇل ەسەپتەن شىعارۋ ەكىنشى دەڭگەيلى بانكتەر مەن شاعىن قارجى ۇيىمدارى ەسەبىنەن جۇزەگە اسىرىلادى.
بۇعان قوسا, مەرزىمى وتكەن بەرەشەگى 90 كۇننەن اسىپ كەتكەن جەكە تۇلعالاردىڭ بارلىق كەپىلسىز تۇتىنۋشىلىق قارىزدارى بويىنشا كرەديتتى بەرۋمەن جانە وعان قىزمەت كورسەتۋمەن بايلانىستى تۇراقسىزدىق ايىبىن, كوميسسيالار مەن وزگە دە تولەمدەردى ەسەپتەۋگە تىيىم سالىنادى.
«پرەزيدەنتتىڭ پوزيتسياسى — تۇتىنۋشىلىق نەسيەلەرگە قاتىستى ورىن العان جاعداي قايتالانباۋى ءتيىس», ءا. سمايىلوۆ.
ۇلتتىق بانك رەتتەۋ سيپاتىنداعى جانە قارجى ۇيىمدارىنىڭ وزدەرىنە شامادان تىس تاۋەكەل الۋ بويىنشا جاۋاپكەرشىلىكتەرىن كۇشەيتۋگە قاتىستى قاجەتتى شارالاردى قابىلدايدى. قارجىلىق جاعدايدى ودان ءارى ۋشىقتىرماۋ ءۇشىن ەڭ تومەنگى كۇنكورىس دەڭگەيىنەن تومەن تابىسى بار ازاماتتارعا قارىز بەرۋگە تىيىم سالىنادى. ۇلتتىق بانك كەپىلسىز تۇتىنۋشىلىق قارىزدار بەرۋ كەزىندە قوسىمشا رەتتەۋ شارالارىن قابىلدايدى.
