جۋرناليستەر قاۋىمىن وبلىس اكىمىنىڭ ورىنباسارى رۋسلان الىشەۆ, قازاقستاننىڭ قۇرمەتتى ءجۋرناليسى گالينا ۆوروبەۆا, وبلىستىق Soltústik Qazaqstan گازەتىنىڭ باس رەداكتورى ەرباقىت امانتاي ۇلى قۇتتىقتادى.
«ءتول مەرەكە قارساڭىندا بايلانىس جانە اقپارات قىزمەتكەرلەرى سالاماتتى ءومىر سالتىن ناسيحاتتاپ, جارىس جولىنا شىعۋدى يگى داستۇرگە اينالدىرىپ كەلەدى. بارلىق كوماندالارعا جەڭىس تىلەيمىن», دەدى رۋسلان قاناتحان ۇلى.
قازاقستان جۋرناليستەر وداعى وبلىستىق فيليالى ۇيىمداستىرعان تارتىستى باسەكەگە وتكەن جىلعى سپارتاكيادانىڭ چەمپيونى ءSoltústىk Qazaqstan گازەتىنىڭ, Qyzyljar, «مترك» تەلەارنالارىنىڭ ۇجىمدارى, رەسپۋبليكالىق تەلەارنالار مەن باسىلىمداردىڭ مەنشىكتى تىلشىلەرى, ىشكى ساياسات باسقارماسىنىڭ وكىلدەرى, «قازتەلەراديو» اق وبلىستىق فيليالىنىڭ, اۋداندىق باسىلىمداردىڭ قىزمەتكەرلەرى جانە م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتتەرى قاتىستى.
ءسوز اراسىندا ءداستۇرلى سپورت تۇرلەرىمەن قاتار تۇڭعىش رەت قازاقتىڭ ۇمىت قالعان ۇلتتىق ويىنى «بوتاي» دەگەن اتاۋمەن قايتادان جاڭعىرتىلعانىن ايتا كەتكەن ءجون. بارلىق قارسىلاستارىنان باسىم تۇسكەن اۋداندىق گازەتتەر قىزمەتكەرلەرى كومانداسىنىڭ وكىلى ەركەبۇلان ەلۋباەۆ توپ جارىپ, العاشقى چەمپيون اتاندى. ۇستەل تەننيسىنەن ەرلەر اراسىندا «قازتەلەراديو» اق-نىڭ وكىلى الەكساندر ستانكو جەڭىمپاز اتاندى. قىزدار اراسىندا وبلىستىق گازەتتىڭ اعا ءتىلشىسى ورىنباسار تولەپبەرگەنقىزى جەڭىستىڭ ەڭ بيىك تۇعىرىنا كوتەرىلدى. ۆولەيبولدان باس جۇلدەنى «ءSoltústىk Qazaqstan» گازەتى مەن اۋداندىق گازەتتەر كوماندالارى ساراپقا سالىپ, سوڭعىسى ادەمى ويىن ورنەگىن كورسەتە ءبىلدى. ارقان تارتۋ سايىسىندا مەنشىكتى تىلشىلەر مىقتىلىق تانىتتى. شاعىن فۋتبول, شاحمات ويىندارى مەن ەستافەتا دا قاتىسۋشىلارعا ۇمىتىلماس اسەر سىيلادى.
ۇزدىك كوماندالارعا كۋبوكتار پەن باعالى سىيلىقتار تابىستالدى.
