دەمالىس لاگەرى يمانتاۋ-شالقار كۋرورتتىق ايماعىندا ورنالاسقان. كوكشەتاۋلىق كاسىپكەر قايرات نۇرمۇقانوۆ بيىل ءۇشىنشى جىلدان بەرى مەملەكەتتىك-جەكەمەنشىك ارىپتەستىك اياسىندا «چايكا» لاگەرىن سەنىمدى باسقارۋعا الىپ كەلەدى. دەمالىس ورنىنا قوماقتى قارجى تارتۋدىڭ ارقاسىندا ءبىر ماۋسىمدا 250 بالانى قابىلداي الادى.
«قايىرىمدىلىقپەن اينالىسۋ , مۇقتاجدارعا كومەكتەسۋ – قازاق حالقىنىڭ قانىنا سىڭگەن قاسيەت. ءبىزدىڭ وتباسىمىز ءۇشىن دە مىندەت, پارىز سانالادى. ارىستاعى وقيعانى شەتەلدە ءجۇرىپ ەستىدىم. قابىرعامىزبەن اقىلداسا كەلىپ, توتەنشە جاعدايدان زارداپ شەككەن بالالارعا كومەكتەسەمىز دەپ شەشتىك. جارىلىستى كورگەن بالاقايلار قاتتى قورقىپ قالعانى انىق, ولارعا قازىر جاقسى دەمالىس كەرەك», دەيدى كاسىپكەردىڭ زايىبى دينا نۇرمۇقانوۆا.
لاگەردە بالالارعا بار جاعداي جاسالماق. ارنايى باعدارلاما ۇيىمداستىرىلادى. كولگە سۋعا ءتۇسىپ, يمانتاۋ-شالقار كۋرورتتىق ايماعىنىڭ اسەم تابيعاتىن تاماشالاي الادى. تاريحي-مادەني ورىندارعا ەكسكۋرسياعا شىعادى. كاسىپكەر بۇل ماقسات ءۇشىن ارنايى كولىك ءبولىپ وتىر.
مۇندا باسقا دا كاسىپكەرلەردىڭ جولداما الىپ, بالالارعا تەگىن ۇلەستىرىنە مۇمكىندىك تۋدىرىلعان.
