«بلەيز» ەسترادالىق بي ستۋدياسىنىڭ جەتەكشىسى ليۋبوۆ كورنيۋحينانىڭ ايتۋىنشا, ونەر بايقاۋى يون تەڭىزىنىڭ جاعالاۋىندا ورنالاسقان كۋرورتتاعى «Alexandreio» كونتسەرت زالىندا ءوتىپتى.
حالىقارالىق-ەسترادالىق بي بايقاۋىنا بەلورۋسسيا, رەسەي, ۋكراينا, گرۋزيا, گرەكيا, ليتۆا, مولدوۆا ەلدەرىنەن كىشكەنتاي قاتىسۋشىلار كەلگەن.
وقۋشىلار سارايىنىڭ «بلەيز» ەسترادالىق بي ستۋدياسىنىڭ بيشىلەرى «ارماندار ورىندالادى», «ەركىن تىنىس», «دالا اۋەندەرى», «كەڭىستىك», «جاڭعىرۋ», «ءبىر كۇنى» اتتى ءارتۇرلى تاقىرىپتاعى شىعارمالاردى ورىندادى.
گرەكياعا شاقىرتۋ العان بي ستۋدياسىنىڭ بي كومپوزيتسيالارى ەرەكشە, تەاترلاندىرىلعان, اشىق, قيمىل-قوزعالىستى سيۋجەتتەرىمەن ەرەكشەلەنىپتى. رەپەرتۋارعا ساي تىگىلگەن بي كوستيۋمدەرىنىڭ ۇلتتىق ناقىشتاعى كوللەكتسيالارى كورەرمەندەردى تاڭعالدىرعان.
«بلەيزدىڭ» «تيپ-توپ» اتتى دايىندىق توبىنىڭ كىشكەنتاي بيشىلەرى ارينا كازاكوۆا, سايدا مارالباەۆا, ليۋدميلا سولوگۋب, سابينا سەيىتكارىمدەرگە حالىقارالىق قازىلار القاسى بيلەرىنىڭ ارتۇرلىلىگى مەن قىزىقتى سيۋجەتتەرى ءۇشىن جوعارى باعا بەرىپتى.
– ارينە بايقاۋعا قاتىسقان بارلىق ەلدەردىڭ بيشىلەرى كاسىبي دەڭگەيلەرىن كورسەتتى. ءبىزدىڭ بيشىلەر بيلەگەن «دالا ساعىمدارى» اتتى قازاقتىڭ ۇلتتىق بيلەر توپتاماسى شىعىستىق وزىندىك ورنەكتەرىمەن تاڭعالدىردى. ءبىزدىڭ بيشىلەر 6 ءبىرىنشى ورىن يەلەندى. گالا-كونتسەرت پەن ماراپاتتاۋ ءراسىمى جەرورتا تەڭىزى پالمالارىمەن قورشاعان لۋتراكي كۋرورتىنىڭ ورتالىق الاڭىندا ءوتتى, – دەيدى ليۋبوۆ كورنيۋحينا.
ال بيشىلەرىمىزدىڭ الىس شەتەل كورەرمەندەرىنىڭ ىقىلاسىنا بولەنۋىنە بي ۇيىرمەسىنىڭ جەتەكشىلەرى يرينا رۋدەنكو, دينا گيمازەتدينوۆا, انجەليكا بۋليچ, سونداي-اق بايقاۋعا قاتىسۋشىلاردىڭ اتا-انالارى ۇلەس قوسىپتى.
پاۆلودار
