مەملەكەت باسشىسىنا پارتيانىڭ قازىرگى جۇمىستارى, سونىڭ ىشىندە «Nur Otan پارتياسىنىڭ XVIII سەزىنىڭ شەشىمدەرى مەن «يگىلىك بارشاعا! ساباقتاستىق, ادىلدىك, ورلەۋ» سايلاۋالدى باعدارلاماسىن جۇزەگە اسىرۋ جونىندەگى ءىس-قيمىلدار جوسپارى, سونداي-اق, پارتيا توراعاسى – ەلباسى نۇرسۇلتان نازارباەۆتىڭ ەلىمىزدەگى الەۋمەتتىك جاعدايدى جاقسارتۋ جانە پارتيا جوبالارىن ودان ءارى دامىتۋعا بايلانىستى تاپسىرمالارىنىڭ ورىندالۋى تۋرالى اقپارات بەرىلدى.
قازاقستان پرەزيدەنتى پارتيانىڭ بارلىق باعىتتاعى, سونىڭ ىشىندە, حالىقتىڭ ءال-اۋقاتىن ارتتىرۋ بويىنشا سايلاۋالدى باعدارلاماسىنىڭ جۇيەلى ءارى بەلسەندى تۇردە اتقارىلۋىنىڭ ماڭىزدى ەكەنىن اتاپ ءوتتى. مەملەكەت باسشىسى قوعاممەن كونسترۋكتيۆتى ديالوگ ورناتۋدا پارتيانىڭ الار ورنى ەرەكشە ەكەنىن ايتتى.
– قوعامدىق سەنىم جونىندەگى ۇلتتىق كەڭەس ەلىمىزدى ودان ءارى دامىتۋعا باعىتتالعان ءتۇرلى پىكىرلەر اشىق ايتىلاتىن, ۇسىنىستار ەنگىزىلەتىن ناقتى شىنايى ديالوگ الاڭى بولۋى ءتيىس. كەڭەسكە بارلىق مۇددەلى ءارى جاۋاپتى ساياسي كۇشتەر, پارتيالار, ۇكىمەتتىك ەمەس ۇيىمدار جانە باسقا دا بەلسەندىلەر اتسالىسۋى قاجەت, – دەدى قازاقستان پرەزيدەنتى.
سونىمەن قاتار, ماۋلەن اشىمباەۆ قاسىم-جومارت توقاەۆقا تۇركىستان وبلىسىنىڭ ارىس قالاسىنداعى اسكەري قويمادا بولعان جارىلىس سالدارىنان زارداپ شەككەندەرگە پارتيانىڭ بارلىق وبلىستارداعى بولىمشەلەرىندە گۋمانيتارلىق كومەك جيناۋ ورتالىعىنىڭ ۇيىمداستىرىلعانى جونىندە حابارلادى.
