وعان قىزىلوردا وبلىسى تاۋارلار مەن قىزمەتتەردىڭ ساپاسى قاۋىپسىزدىگىن باقىلاۋ دەپارتامەنتىنىڭ باسشىسى بايمەنوۆا عاليا ابسادىققىزى, وبلىستىق دەنساۋلىق ساقتاۋ باسقارماسىنىڭ باسشىسى ابدۋسامەتوۆ جاقسىلىق ابىلقاسىم ۇلى, وبلىستىق ۆەتەريناريا باسقارماسىنىڭ باسشىسى اپەتوۆ ەرسۇلتان امانتاي ۇلى جانە وبلىستىق جۇمىلدىرۋ دايىندىعى باسقارماسىنىڭ باسشىسى شامەنوۆ اسىلبەك ومىربەك ۇلى قاتىستى.
«قازىرگى تاڭدا ەكى جاعدايعا بايلانىستى اقپارات بەرەيىن. ءبىرىنشىسى تاسبوگەت كەنتى, سابالاق ەلدى مەكەن تۇرعىنى 85 جىلعى تۋىلعان ە. ر وبلىستىق جۇقپالى اۋرۋلار اۋرۋحاناسىنا 22 ماۋسىمدا ءتۇسىپ, 23 ماۋسىم كۇنى قايتىس بولعان. بۇل ناۋقاستىڭ دياگنوزى كقگق ىقتيمالدى بولجامدى جاعدايى بولعان. ءتيىستى زەرتحانالىق تەكسەرۋلەر جۇرگىزىلۋدە, دياگنوزى تولىق ناقتىلانعان جوق. ەكىنشى جاعدايعا توقتالسام, شيەلى اۋدانى, دوسبول بي اۋىلىنىڭ 90 جىلعى تۋىلعان ر. م تۇرعىنى 15 ماۋسىمدا شيەلى اۋدانىنىڭ اۋرۋحاناسىنا ءتۇسىپ, 24 ماۋسىم قايتىس بولعان. دياگنوزى كقگق بويىنشا ناقتىلانعان جاعداي. ناۋقاسقا ءتيىستى ەمنىڭ بارلىعى كورسەتىلگەن», - دەدى ع. بايمەنوۆا.
سونداي-اق, وبلىستىق دەنساۋلىق ساقتاۋ باسقارماسىنىڭ باسشىسى ج. ابدۋسامەتوۆتىڭ ايتۋىنشا, ناۋقاستارعا دەر كەزىندە ءتيىستى مەديتسينالىق الگوريتمگە بايلانىستى ەمدىك كلينيكالىق حاتتامالارعا سايكەس ەمدەۋلەر مەن تەكسەرۋلەر تاعايىندالىپ, قاجەتتى كومەك, شارالار كورسەتىلگەن.
بريفينگ بارىسىندا وبلىستىق ۆەتەريناريا باسقارماسىنىڭ باسشىسى ە. اپەتوۆ ەپيدەميولوگيالىق ماۋسىمدا جۇرگىزىلگەن جۇمىستارعا قىسقاشا توقتالىپ ءوتتى.
قىزىلوردا وبلىسى.
