ايماقتار • 25 ماۋسىم، 2019

«قازترانسگاز» اق «ۇزدىك مامان» بايقاۋىن قورىتىندىلادى

235 رەت كورسەتىلدى

«قازترانسگاز» ۇلتتىق گاز وپەراتورى – ەلىمىزدىڭ ايماقتارىن گازداندىرۋ ىسىنە قوماقتى ۇلەس قوسىپ كەلە جاتقان ىرگەلى كومپانيا. وسى باعىتتا اتقارىلعان ىرگەلى جوبالار ەڭ قولايلى وتىن ءتۇرىنىڭ ەل يگىلىگىنە باعىتتالۋىنا كەڭ جول اشتى. قىسقا ۋاقىتتا ۇلتتىق وپەراتوردىڭ ۇلكەن جۇمىس تىندىرعانىنا سايىن سارىارقاعا گاز بەرۋدىڭ تابالدىرىعىندا تۇرعان «قاراوزەك» جاڭا كومپرەسسورلىق ستانساسىنىڭ بازاسىندا وتكەن «ۇزدىك مامان – 2019» جۇمىسشىلاردىڭ كاسىبي شەبەرلىگىنىڭ ءداستۇرلى بايقاۋىنا ارنايى بارعاندا تاعى دا كوز جەتكىزدىك.

قىزىلوردا وبلىسىنان بۇرالاڭداپ شىققان قاسقا جول جەزقازعان تراسساسىنا جالعاسادى. ەكى وبلىستىڭ ورتاسىن بەس ءجۇز شاقىرىمعا جۋىق دالا جالعاپ جاتىر. مارعاۋ، ماڭعاز دالا جولاۋشى ءۇشىن جىلدىڭ قاي مەزگىلىندە دە سىناق. ورتادا شاڭىتقان ايازدا، اپتاپ ىستىقتا جانعا سايا بولار تىرەك از. ءبىز مىنگەن كولىك قۇلديلاپ باتىس بەتكەيگە بۇرىلعان. جاڭا عانا قويانسۇيەك، جىڭعىلدان كوز سۇرىنگەن سا­يىن دالانىڭ ءبىر تۇكپىرىنەن كوك كۇنىكەلەرى كۇنگە جارقىراپ شاعىن قالاشىق شىعا كەلدى. جاپانداعى قالا. «قازترانسگاز» اق-نىڭ سۋ جاڭا كومپرەسسورلىق ستانساسى.

وسىندا رەسپۋبليكامىزدىڭ گاز سالاسىنىڭ ماماندارى 15 كاسىپ بويىنشا ۇزدىكتى انىقتاۋ ءۇشىن سىنعا ءتۇستى. ەلىمىزدىڭ 9 ملن تۇرعىنىن كوگىلدىر وتىننىڭ راحاتىنا كەنەلتىپ وتىرعان – گاز سالاسىنىڭ ماماندارى. مىڭداعان شاقىرىمدىق جەرگە گازدى ىسىراپسىز جانە ەڭ باستىسى، قاۋىپسىز جەتكىزۋ – اسقان جاۋاپكەرشىلىكتى تالاپ ەتەتىن ءىس. قىزىلوردا وبلىسىندا باس قوسقان گاز سالاسىنىڭ ناعىز شەبەرلەرى ءوزارا باق سىناسىپ، ۇزدىكتەردى انىقتادى.

«ۇزدىك مامان – 2019» بايقاۋى جۇ­مىس­­شى ماماندىقتارىنىڭ بەدەلىن ارت­تىرۋدا، گاز سالاسىنداعى ەڭبەك جە­تىس­­تىك­تەرى مەن وزىق تاجىريبەنى ناسيحات­تاۋ­دا ماڭىزدى ەلەمەنت بولىپ تابى­لا­­دى. ونى وتكىزۋ جۇمىسشى مامان­دىق­­­تارى بويىنشا وقىتۋ مەن ەڭبەككە ورنا­لاستىرۋ ءۇشىن جاستاردى تارتۋعا دا ىقپال ەتەدى.

بايقاۋ ەكى كەزەڭنەن تۇردى. ءبىرىنشىسى، ءساۋىر ايىندا جامبىل وبلىسىنداعى «اقىرتوبە» جەراستى گاز ساقتاۋ قويما­سى­­نىڭ بازاسىندا ءتورت ماماندىق بويىن­شا، «مۇناي جانە گاز ءوندىرۋ ءجونىن­دەگى وپەراتور»، «بۇرعىلاۋشى»، «بۇرعى­لاۋ­شىنىڭ كومەكشىسى» جانە «ۇڭعى­مالاردى زەرتتەۋ جونىندەگى وپەراتور» مامان­دىقتارى بويىنشا وتكەن بولاتىن.

ەكىنشى، شەشۋشى كەزەڭ 11 ماماندىقتى قامتىدى. ءۇش كۇن بويى بايقاۋعا قاتىسۋ­شىلار وندىرىستىك قاۋىپسىزدىككە قاتىستى سۇراقتاردى ءبىلۋىن قوسا العاندا، وزدەرىنىڭ تەوريالىق جانە پراكتيكالىق داعدىلارىن ورتاعا سالدى.

«قاراوزەك» كومپرەسسورلىق ستانسا­سىنىڭ ستاديونىندا وتكەن سالتاناتتى جيىندى اشقان «ينتەرگاز ورتالىق ازيا» اق باس ديرەكتورىنىڭ ءبىرىنشى ورىن­­باسارى، كونكۋرستىق كوميسسيا ءتور­اعاسى مۇحاتاي شاڭباتىروۆ «ۇزدىك مامان – 2019» بايقاۋىنىڭ باستى ماق­ساتىن جان-جاقتى تالداپ بەردى.

– گاز ونەركاسىبىنىڭ بۇكىل دامۋ تاريحى – ەرەكشە ءتوزىمدى، باتىل ادامدار­دىڭ تاباندىلىعى مەن ەرلىگىنىڭ ۇلگىسى. گازشىلار ارقاشان جوعارى بەدەلگە، زور قۇرمەتكە يە بولىپ كەلەدى.

بۇگىن مۇندا ۇزدىكتەردىڭ ۇزدىگى باس قوسىپ وتىر. ولار وزدەرىنىڭ كاسىپقوي مامان ەكەندەرىن ءوز فيليالدارىندا قاتاڭ ىرىكتەۋدەن ءوتىپ، دالەلدەگەن جاندار.

ادىلقازىلاردىڭ الدىندا اسا ماڭىز­دى مىندەت تۇر. ول – سىزدەردىڭ ارالارى­ڭىز­دان ەڭ لايىقتىسىن تاڭداۋ. ءبىزدىڭ ات­قارىپ جاتقان شارالارىمىزدىڭ ءبارى ەڭ الدىمەن سىزدەردىڭ تابيعي گازدى اپات­سىز تاسىمالداۋ بويىنشا ءوز ءمىن­دەت­­تەرىڭىزدى بۇرىنعىدان دا ساپالى، بىلىك­تى ورىنداۋلارىڭىز ءۇشىن باعىت­تال­عان. سىزدەرگە ساتتىلىك تىلەيمىن! تورە­شى­لەر مەن جولداستارىڭىزدىڭ الدىندا كاسى­بي بىلىمدەرىڭىزدى بارىنشا كورسەتۋگە تى­رى­سىڭىز­دار! – دەدى ول.

«قاراوزەكتەگى» بايقاۋعا قاتىسقاندار – بۇعان دەيىن ءوز فيليالدارىنداعى قاتاڭ ىرىكتەۋدەن وتكەن كاسىبي ماماندار. ولاردىڭ بىلىكتىلىگى ەلىمىزدىڭ وسى سالاداعى جۇمىسى ءۇشىن اسا ماڭىزعا يە. ويتكەنى سوناۋ بەينەۋ مەن بوزويدان تار­تىل­عان گاز ماگيسترالى ەلىمىزدى كوگىل­دىر وتىنمەن قامتىپ قانا قويماي، قىتاي سياقتى الەمدەگى ەڭ الەۋەتتى مەملە­كەتكە دە ەكسپورتقا گاز شىعارادى. ال ول وڭاي شارۋا ەمەس. ماسەلەن، دانە­كەر­­لەۋشى ءۇشىن ۇلكەن سىناق بار. قۇ­بىر بويىندا ينەنىڭ جاسۋىنداي تەسىك قال­دى­رىلسا، ول ۇلكەن اپاتتىڭ باستاۋى بول­ماق. سول سياقتى، ءار ماماندىقتىڭ ءوز سىرى، ءوز قۇپياسى بار. ۇزدىك ماماندار كون­كۋرسىنىڭ ءبىر ەرەكشەلىگى، جۇزدەن وزعان­دار ءوز بىلىكتىلىگىن ارىپتەستەرىمەن ءبولى­سىپ، كاسىبي تۇرعىدا وسۋىنە العىشارت جاسايدى.

گاز سالاسى ارداگەرلەرىنىڭ رەسپۋبلي­كالىق كەڭەسىنىڭ توراعاسى پاۆەل كليموۆ سالا ەڭبەككەرلەرىنىڭ كاسىبي جاعىنان ەلەۋ­لى ءوسىپ كەلە جاتقانىن، جوعارى كاسى­بي مامانسىز بۇل سالادا تابىسقا جەتۋ مۇمكىن ەمەستىگىن اتاپ ءوتتى.

ۇزدىكتەردىڭ ۇزدىگى قاي قۇرمەتكە دە لايىق. بۇگىندە «قازترانسگاز» گاز جانە گازبەن جابدىقتاۋ سالاسىنىڭ ۇلتتىق وپەراتورى الەمدەگى ەڭ وزىق جاڭا تەحنولوگيالارمەن، جاڭا قوندىرعىلارمەن جۇمىس ىستەپ كەلەدى. بۇل كۇردەلى قۇرى­لىم­دى تەك بىلىگى مەن ءبىلىمى مىقتى ناعىز شەبەرلەر يگەرىپ وتىر.

 

قىزىلوردا وبلىسى

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار