اتموسفەرالىق فرونتتاردىڭ وتۋىنە بايلانىستى رەسپۋبليكانىڭ باسىم بولىگىندە كۇن كۇركىرەپ, جاڭبىر جاۋادى. جەل تۇرىپ, بۇرشاق جاۋى ىقتيمال. شىعىستىڭ كەي جەرلەرىندە نوسەر جاڭبىر جاۋادى.
قازاقستانىڭ باتىسىندا جانە ونتۇستىگىندە عانا جاۋىن-شاشىنسىز اۋا رايى كۇتىلەدى. پاۆلودار وبلىسىنىڭ كەي جەرلەرىندە نايزاعاي ويناپ, داۋىل تۇرادى. تۇندە جەل 15-20 م/س دەيىن كۇشەيەدى. كۇندىز 15-20, كەي جەرلەردە ەكپىنى 23-28 م/س جەتەدى. شىعىس قازاقستان, قاراعاندى وبلىستارىنىڭ كەي جەرلەرىندە كۇن كۇركىرەپ, داۋىل تۇرادى. جەل 15-20 م/س دەيىن كۇشەيەدى, بۇرشاق جاۋى ىقتيمال.
الماتى, كۇندىز قوستاناي, سولتۇستىك قازاقستان, جامبىل, تۇركىستان وبلىستارىنىڭ كەي جەرلەرىندە نايزاعاي وينايدى. جەل ەكپىنى - 15-20 م/س. الماتى وبلىسىنىڭ كەي جەرلەرىندە بۇرشاق جاۋى ىقتيمال. كۇندىز تۇركىستان, قىزىلوردا وبلىستارىنىڭ كەي جەرلەرىندە جەل ەكپىنى 15-20 م/س جەتەدى. كۇندىز اتىراۋ, ماڭعىستاۋ وبلىستارىندا كۇن ىسيدى, كەي جەرلەردە - اپتاپ ىستىق.
اقتوبە, باتىس قازاقستان وبلىستارىنىڭ كەي جەرلەرىندە كۇندىز اپتاپ ساقتالادى. ماڭعىستاۋ, اتىراۋ, تۇركىستان, باتىس قازاقستان, قىزىلوردا, اقتوبە, قوستاناي, الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.
