قر پرەمەر-ءمينيسترى اسقار مامين تۇركىستان وبلىسىنا جانە شىمكەنت قالاسىنا جۇمىس ساپارى بارىسىندا تۇركىستان قالاسىنىڭ تىرشىلىكتى قامتاماسىز ەتۋ نىساندارىنىڭ جۇمىسىمەن, كولىك ينفراقۇرىلىمىمەن جانە سالىنۋىمەن تانىستى.
تۇركىستاندا قر پرەمەر-ءمينيسترى وبلىس ورتالىعىنىڭ سالىنۋىن تەكسەردى.
قر ۇكىمەتىنىڭ باسشىسى جاڭا حالىقارالىق اۋەجاي قۇرىلىسىنىڭ باستالۋىمەن تانىستى. نىسان وبلىس ورتالىعىنان 16 شاقىرىم قاشىقتىقتا ورنالاسقان جانە 2020 جىلى جەلتوقسان ايىندا پايدالانۋعا بەرىلەتىن بولادى. تەرمينالدىڭ وتكىزۋ قابىلەتى جىلىنا 3 ملن جولاۋشىنى قۇرايتىن بولادى دەپ جوسپارلانعان.
قر پرەمەر-مينيسترىنە 610 توسەك-ورىندىق بولاشاق كوپبەيىندى وبلىستىق مەديتسينالىق ورتالىق جوباسى تانىستىرىلدى. جاڭا اۋرۋحانانى مەملەكەتتىك-جەكەشەلىك ارىپتەستىك اياسىندا شەتەلدىك جانە وتاندىق ينۆەستورلار بىرىگىپ سالاتىن بولادى.
اسقار مامين بولىمدەردىڭ ورنالاسۋ سۇلبالارىن كوردى. بىرىڭعاي ورتالىق اۋماعىندا جەدەل مەديتسينالىق جاردەم ستانتسياسى, ونكولوگيالىق جانە راديولوگيالىق ورتالىق, سونىمەن قاتار جاڭا تۋعان نارەستەلەرگە ارنالعان ينتەنسيۆتى تەراپيا ءبولىمى جۇمىس ىستەيتىن بولادى, بۇل ءبولىم سابيلەر ءولىم-ءجىتىمىن ازايتۋعا مۇمكىندىك بەرەدى.
ودان سوڭ اسقار مامين وبلىس ورتالىعىنىڭ قۇرىلىسى بارىسىن تەكسەرىپ, اكىمشىلىك, الەۋمەتتىك, مادەني-تاريحي ماقساتتاردا سالىنىپ جاتقان نىسانداردى كوردى.
قر ۇكىمەتىنىڭ باسشىسى وبلىس اكىمدىگى, مەديا ورتالىق, كونگرەسس-حولل, «نۇر-سۇلتان» الاڭى, حالىققا قىزمەت كورسەتۋ ورتالىعى عيماراتتارىنىڭ قۇرىلىس الاڭىن ارالادى. الەۋمەتتىك ماقساتتاعى نىسانداردىڭ ىشىنەن اسقار مامين سپورت جانە مۋزىكا مەكتەپتەرىنىڭ, تۋريستىك باعىتتاعى كوللەدجدىڭ, ستاديوننىڭ, وقۋشىلار جانە سپورت سارايلارىنىڭ سالىنۋ بارىسىن كوردى. سونىمەن قاتار, سالىنىپ جاتقان قازاق دراما تەاترى, نەكە سارايى عيماراتتارىن, سونداي-اق اتتراكتسيوندارى بار پاركتى, مۋزىكالىق فونتان مەن امفيتەاتردى ارالادى.
قالانىڭ تاريحي-مادەني ورتالىعىندا قر پرەمەر-ءمينيسترى ق.ا. ياسساۋي مۋزەيىن, « ۇلى دالا ەلى» ورتالىعىن, وبلىستىق عىلىمي-امبەباپ كىتاپحانانىڭ, شىعىس مونشاسىنىڭ سالىنۋى, ۇلى جىبەك جولىنىڭ قولونەرشىلەرىنىڭ ۇلتتىق ورتالىعى عيماراتىن, ۆيزيت ورتالىعىن رەكونسترۋكتسيالاۋ, كۇلتوبە قالاشىعىنىڭ تاريحي نىساندارىن رەستاۆراتسيالاۋ بويىنشا اتقارىلىپ جاتقان جۇمىستار بارىسىن تەكسەردى.
بۇدان باسقا, قر پرەمەر-ءمينيسترى جاڭا ساياباق پەن قالالىق اربات سالىنىپ جاتقان قۇرىلىس الاڭدارىن ارالادى.
شىمكەنتتە قر ۇكىمەتىنىڭ باسشىسى قالالىق كارىز-تازارتۋ جۇيەلەرىنىڭ اۋماعىندا بولىپ, اعىن سۋلاردى تازارتۋ جۇيەسىنىڭ جانە جاۋىن-شاشىن سۋلارىنان ەلەكتر ەنەرگياسىن ءوندىرۋ ءۇشىن وڭدەيتىن كەشەننىڭ (بيوگاز قۇرىلعىسىنىڭ) جۇمىسىن كوردى.
قر پرەمەر-ءمينيسترى «Shymkent Bus» ءبىرىنشى اۆتوبۋس پاركىن ارالادى, وندا قالالىق جولاۋشىلار تاسىمالىن ۇيىمداستىرۋ جانە جەرگىلىكتى قوعامدىق كولىكتىڭ جىلجىمالى قۇرامىن جاڭارتۋ تۋرالى باياندالدى.
