وسىعان وراي جەرگىلىكتى بيلىك الدىنا بىرقاتار تاپسىرما جۇكتەپ, حالىق الدىنداعى ۋادەلەرىن بۇلجىتپاي ورىنداۋعا مىندەتتى ەكەنىن ەسكە سالدى. ەڭ باستى قۇندىلىعىمىز – تاتۋلىق, بىرلىك, تىنىشتىق. وعان جەتۋ جولدارى ەلباسىمىز ايقىنداپ بەرگەن ستراتەگيالىق ءىس-قيمىل جوسپارلارىندا ناقتى ايقىندالعان. قاسىم-جومارت كەمەل ۇلى اتاپ وتكەندەي, ەلىمىز ورنىقتى دامۋدىڭ جاڭا دەڭگەيىنە شىعا الۋى ءۇشىن جاڭا قادامدار مەن جاڭا شەشىمدەر قاجەت. بۇگىنگىدەي جەدەل وزگەرىستەر, جىلدام تەحنولوگيالار ۋاقىتىندا سىن-قاتەرلەردى ەڭسەرە وتىرىپ, وتكىر الەۋمەتتىك پروبلەمالاردى شەشۋمەن ناقتى اينالىسۋ, اسا مۇقتاجدارعا كومەك كورسەتۋ, تابىس كولەمىن كوبەيتۋ, كاسىپكەرلەردىڭ ىسكەرلىك بەلسەندىلىگىن كوتەرۋ ماسەلەلەرى وتە وزەكتى ەكەنى داۋسىز.
ەگەر حالىقتىڭ كوڭىلى توق بولسا, ەلىمىزدىڭ دە ەكونوميكالىق كورسەتكىشى وڭ قارقىنمەن العا جىلجيتىنى انىق. پرەزيدەنت بەلگىلەپ بەرگەن ءتورتىنشى باعىت بويىنشا كەشەندى شارالار ءتۇزىلىپ, بارلىق ازاماتتىڭ ءال-اۋقاتىن, تۇرمىس ساپاسىن ارتتىرۋعا, تۇرمىسى تومەن وتباسىلارعا جاعداي جاساۋعا, جاڭا جۇمىس ورىندارىن قۇرۋعا, حالىقتى لايىقتى جالاقىمەن قامتۋ جايىنا باسا نازار اۋدارىلىپ وتىر. ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى ءساتتى جۇزەگە اسىپ كەلەدى. جوباعا قاتىسۋشىلار كاسىبي جانە تەحنيكالىق بىلىمدەرىن جەتىلدىرىپ, شاعىن جانە ورتا بيزنەسپەن شۇعىلدانۋدى ماقسات ەتكەن. جىل اياعىنا دەيىن تاعى ەلۋگە جۋىق ۇمىتكەردى وقىتۋ جوسپارلانعان.
اۋداندا ورنالاسقان اگروتەحنيكالىق كوللەدج ساپالى ءبىلىم بەرۋ بازاسى رەتىندە تاڭداپ الىندى. كاسىبي شەبەرلىكتەرىن شىڭداۋ ماقساتىمەن جەتى قاتىسۋشى پەتروپاۆل قۇرىلىس-ەكونوميكالىق كوللەدجىمەن كەلىسىمشارت جاساسىپ, ەسەپشى, اسپاز جانە دانەكەرلەۋشى ماماندىقتارىن مەڭگەرىپ شىعادى. «بيزنەس باستاۋ» جوباسى بويىنشا كاسىپكەرلىكتىڭ نەگىزگى قىر-سىرلارىنا قانىقتىرۋ جايى دا ويلاستىرىلعان. بولاشاق كاسىپكەرلەرگە «اۋىل شارۋاشىلىعىن قارجىلاي قولداۋ» قورى, سەرىكتەستىكتەر مەن جەرگىلىكتى نەسيە ۇيىمدارى ارقىلى جاڭا بيزنەس-يدەيالاردى دامىتۋعا گرانتتار بەرۋ قاراستىرىلعان. بيىل «اۋىل شارۋاشىلىعىن قارجىلاي قولداۋ قورى» اكتسيونەرلىك قوعامىنا 22 ءوتىنىم بەرىلىپ, 31 جوباعا مەملەكەتتىك گرانت ءبولىندى.
مۇنداي جەڭىلدىكتەر تۇرعىنداردىڭ ءومىر ءسۇرۋ ساپاسىن ارتتىرۋعا, كاسىپكەرلىكپەن اينالىسۋعا, قوسىمشا جۇمىس ورىندارىن اشۋعا جاعداي جاسارى انىق. الەۋمەتتىك جۇمىس ورىندارىن ۇيىمداستىرۋ ءۇشىن 14 جۇمىس بەرۋشىدەن 29 جۇمىس ورنىنا ءوتىنىم ءتۇسىپ, قاناعاتتاندىرىلدى.
پرەزيدەنت جاس ۇرپاق الدىنا قازاقستان دامۋىندا شەشۋشى ءرول اتقارۋ, پروگرەستىڭ قوزعاۋشى كۇشى بولۋ تالاپتارىن قويدى. جاستار جىلى اياسىندا جاس وتباسىلارعا جان-جاقتى قامقورلىق كورسەتىلىپ, ولاردىڭ بارلىق ساناتىن قولداۋعا ارنالعان ءتۇرلى شارالار ۇيىمداستىرىلدى. اۋدانىمىزدا جاستار تاجىريبەسىن قولداۋ, تاراتۋ مەكتەبى جۇمىس ىستەيدى. 103 ەل ەرتەڭىن قوعامدىق جۇمىسپەن قامتۋ ءۇشىن جەرگىلىكتى بيۋدجەتتەن قاراجات قاراستىرىلىپ, جۇمىس بەرۋشىلەردەن وتىنىمدەر قابىلداندى. ۇشتەن ءبىرى جۇمىسپەن قامتاماسىز ەتىلدى.
ادام ءومىرىنىڭ ءمانى ەڭبەك ەتۋ عانا ەمەس, ۇرپاق تاربيەلەۋ ەكەنىن دە ەستەن شىعارماۋعا ءتيىسپىز. سوندىقتان وتباسى قۇندىلىعى, بالا تاربيەسى – ەرەكشە نازار اۋداراتىن وتە وتكىر ماسەلەنىڭ ءبىرى. ويتكەنى وتباسى – قوعامنىڭ تىرەگى. مەملەكەت از قامتىلعان, كوپ بالالى وتباسىلارعا قولداۋ كورسەتۋ ماقساتىندا بيىلدان باستاپ جاردەماقى تولەۋدىڭ جاڭا ءتارتىبىن ەنگىزگەنى بەلگىلى. شىلدە ايىندا 353 ادام اتاۋلى الەۋمەتتىك كومەككە قول جەتكىزەدى.
ءۇمىتجان نۇرتازينا,
اۋدان اكىمىنىڭ الەۋمەتتىك ماسەلەلەر جونىندەگى ورىنباسارى
سولتۇستىك قازاقستان وبلىسى, تيميريازەۆ اۋدانى
