وتىرىستى اشقان م.ءاشىمباەۆ ءوز سوزىندە مەملەكەت باسشىسى قاسىم-جومارت توقاەۆتىڭ جاستارمەن جۇمىس ىستەۋگە باسىمدىق بەرۋگە ۋادە ەتكەنىن ەسكە سالدى.
– ءبىزدىڭ پرەزيدەنتىمىزدىڭ سايلاۋالدى باعدارلاماسىندا دا جاستار ماسەلەسىنە قاتىستى ناقتى جوسپارلار ۇسىنىلدى. ەندى وسى جۇمىستاردىڭ بارلىعىن بىرلەسە جۇزەگە اسىرۋىمىز كەرەك. سونىمەن قاتار وزدەرىڭىزگە بەلگىلى, ءبىز رەسپۋبليكالىق قوعامدىق شتاب جانىنان «Team Qazaqstan» اتتى جاستار قاناتىن قۇرعان بولاتىنبىز. وعان قوسىلعان جاستار سايلاۋ كەزىندە بەلسەندى جانە ناتيجەلى جۇمىس ىستەدى. الداعى ۋاقىتتا دا Team Qazaqstan قاناتىنىڭ الەۋەتىن كەڭىنەن پايدالانامىز, – دەدى م.اشىمباەۆ.
وتىرىس بارىسىندا TV پروديۋسەرى, تەلەجۇرگىزۋشى ءايگەرىم ەسەنالى, «بولاشاق» كورپوراتيۆتى قايىرىمدىلىق قورى كەڭەسىنىڭ توراعاسى دينارا ءشايجۇنىسوۆا, پروديۋسەر, تەلەجۇرگىزۋشى اسحات سادىرباي, قازاقستان پرەزيدەنتى جانىنداعى مەملەكەتتىك باسقارۋ اكادەمياسى ءباسپاسوز قىزمەتىنىڭ جەتەكشىسى اقەركە بەرلىباي, «قازاقستان جاستارى كونگرەسى» رەسپۋبليكالىق جاستاردى دامىتۋ ورتالىعىنىڭ جەتەكشىسى ەرعازى ءازىمحان ۇلى ءسوز سويلەپ, پرەزيدەنتتىك سايلاۋداعى قىزمەتتەرى مەن جاستاردىڭ ءىس-قيمىلدارىنا قاتىستى ويلارىمەن ءبولىستى. سونىمەن قاتار وسى جولعى سايلاۋدا قولدانىلعان شەتەلدىك زاماناۋي سايلاۋ تەحنولوگيالارى جايىندا پىكىر الماستى.
جالپى, جاستار كوشباسشىلارى پرەزيدەنت سايلاۋىندا الەۋمەتتىك جەلىلەردىڭ كەڭىنەن قولدانىلعانىن, جاستاردىڭ ساياسي ومىرگە بەلسەنە ارالاسىپ, ءوز بولاشاقتارىنا بەيجاي قارامايتىنىن دالەلدەگەنىن جارىسا باياندادى.
Team Qazaqstan قاناتى ەلىمىزدىڭ بارلىق ايماقتارىندا بەلسەندى جاستاردىڭ باسىن قوسىپ, سوڭعى ۇدەرىستەرگە ساي ارەكەت ەتۋدە.
