شاراينا
سەيسەنبى, 21 مامىر 2013 1:19
تورنادو سالعان ويران
اقش-تىڭ ايوۆا, كانزاس جانە وكلاحوما شتاتتارى اۋماعىندا جيىرماعا تارتا تورنادو بولىپ, جۇزدەگەن تۇرعىن ۇيلەر مەن ەلەكتر تاراتۋ جەلىلەرىنە نۇقسان كەلتىردى.
سەيسەنبى, 21 مامىر 2013 1:19
تورنادو سالعان ويران
اقش-تىڭ ايوۆا, كانزاس جانە وكلاحوما شتاتتارى اۋماعىندا جيىرماعا تارتا تورنادو بولىپ, جۇزدەگەن تۇرعىن ۇيلەر مەن ەلەكتر تاراتۋ جەلىلەرىنە نۇقسان كەلتىردى.
بۇقارالىق اقپارات قۇرالدارى ءبىر ادامنىڭ – وكلاحوما شتاتىنىڭ 79 جاسار تۇرعىنىنىڭ قازا تاپقانى تۋرالى حابارلاعان. ونىڭ سىرتىندا كەم دەگەندە التى ادام ءتۇرلى دەنە جاراقاتتارىن العان كورىنەدى. ون مىڭنان استام ادامنىڭ ەلەكتر جارىعىنسىز قالعانى بەلگىلى بولىپ وتىر. كانزاس شتاتىنىڭ ۆيچيتا اۋەجايىنان ەۆاكۋاتسيا جاسالدى. تورنادو عيماراتتاردىڭ شاتىرلارىن ج ۇلىپ اكەتىپ, جول بويىنداعى جۇك كولىكتەرىن اۋدارىپ تاستاعان. مەتەورولوگتاردىڭ مالىمەتىنشە, دۇيسەنبى, سەيسەنبى كۇندەرى وسى اتالعان شتاتتارعا تابيعات اپاتىنىڭ قايتا اينالىپ سوعۋى مۇمكىن.
ۇكىمەت اسكەرلەرىنىڭ تەگەۋرىندى شابۋىلدارى
باشار اسادتىڭ اسكەرى سيريانىڭ باتىسىندا حومس ونەركاسىپ ورتالىعىنان وتىز شاقىرىم جەردەگى كۋسەير قالاسىن باسىپ الدى. بۇل جەر ەرەۋىلشىلەر ءۇشىن ماڭىزدى ستراتەگيالىق مەكەن بولىپ تابىلاتىن.
قالادا كەسكىلەسكەن ۇرىستار جۇرۋدە. مەملەكەتتىك باق-تار 70 تەررورشىنىڭ اجال قۇشقانىن جانە قالا ورتالىعىنداعى شەشۋشى عيماراتتاردىڭ ۇكىمەت اسكەرى قولىنا كوشكەنىن حابارلادى. اسكەريلەر قالاعا جەكسەنبى كۇنى تاڭەرتەڭ كىرىپ, كۇنى بويىنا وڭتۇستىك جانە باتىس اۋدانداردى ازات ەتكەن. سولتۇستىك كۆارتالداردا ءالى دە ۇرىستار جۇرۋدە. ەرەۋىلشىلەر پوزيتسيالارىن شابۋىلدار الدىندا ەگەر ءوز ەرىكتەرىمەن بەرىلمەسە, شابۋىل باستالاتىنى تۋرالى اۋەدەن ەسكەرتۋ پاراقشالارى تاستالعان كورىنەدى.
تۋنيستەگى سالافيتتەر ەرەۋىلى
تۋنيستە مۇسىلمان-سالافيتتەردىڭ پوليتسيامەن قاقتىعىسى كەزىندە ءبىر ادام قازا تاۋىپ, وننان استام ادام دەنە جاراقاتتارىن العان.
«انسار اش-شاريا» راديكالدى توبىنىڭ بەلسەندىلەرى جەكسەنبى كۇنى ىشكى ىستەر مينيسترلىگىنىڭ قارسىلىق بىلدىرگەنىنە قاراماستان ءوز سەزىن وتكىزبەك بولعان. ونىڭ اياعى تارتىپسىزدىكتەرگە جانە پوليتسيامەن قاقتىعىسقا اپارىپ سوقتىرعان. پوليتسيا جينالعانداردى قۋىپ تاراتۋ ءۇشىن كوز جاساۋراتاتىن گاز قولدانعان. 2011 جىلى پرەزيدەنت بەن-الي ورىنتاعىنان قۋىلعاننان كەيىن تۋنيستە سالافيتتەر بوي كورسەتۋلەرى جيىلەي تۇسكەنىن ايتا كەتۋ قاجەت.
شپيوندىق جاساعاندارى ءۇشىن دارعا اسىلدى
يراندا اقش پەن ءيزرايلدىڭ پايداسىنا شپيوندىق جاساعانى ءۇشىن كىنالى دەپ تانىلعان ەكى ادام دارعا اسۋ ارقىلى ءولىم جازاسىنا كەسىلدى. بۇل تۋرالى يران باق-تارىنا سىلتەمە جاساي وتىرىپ, رەيتەر اگەنتتىگى حابارلاعان.
وندا يزرايلدىك «موسسادقا» قۇپيا اقپارات بەرگەنى ءۇشىن كىنالى دەپ تانىلعان موحامماد حەيداريگە جانە اقش-تىڭ ورتالىق بارلاۋ باسقارماسىنا اقپارات بەرگەنى ءۇشىن ايىپتى بولىپ سانالعان كۋرۋش احماديگە قاتىستى ۇكىمنىڭ ۇستىمىزدەگى جىلدىڭ 19 مامىرى كۇنى تاڭ الدىندا ورىندالعانى تۋرالى ايتىلعان. ۇكىمدى يراننىڭ رەۆوليۋتسيالىق سوتى جۇزەگە اسىرعان. م.حەيداري مەن ك.ءاحماديدىڭ قالاي تۇتقىندالعانى جانە سوت پروتسەسىنىڭ قالاي وتكەندىگى بەلگىسىز كۇيىندە قالىپ وتىر.
تۇرعىن ۇيدە گاز جارىلدى
ۇلىبريتانيادا تۇرعىن ۇيلەردىڭ بىرىندە تۇرمىستىق گازدىڭ جارىلۋى سالدارىنان بەس ادام زارداپ شەككەن. يتار-تاسس-تىڭ Sky News اگەنتتىگىنە سىلتەمە جاساي وتىرىپ حابارلاۋىنشا, بىرنەشە ادامنىڭ ءۇيىندىلەر استىندا قالعان بولۋى مۇمكىن.
وقيعا جەكسەنبى كۇنى اعىلشىننىڭ نيۋارك قالاسىندا ورىن العان. كوزبەن كورگەندەردىڭ ايتۋلارىنا قاراعاندا, جارىلىستان سوڭ بىرنەشە سەكۋند وتىسىمەن ءۇيدىڭ قابىرعالارى قۇلاپ تۇسكەن كورىنەدى. قازىر جارىلىس بولعان جەردە قۇتقارۋشىلار مەن ءورت سوندىرۋشىلەر ۇيىندىلەردى ارشۋ جۇمىستارىمەن اينالىسۋدا.
ساياساتكەر اجالىنا كىم كىنالى؟
«پاكستان تەحريك-ە-ينساف» پارتياسىنىڭ وكىلى زاحرا حۋسسەين كاراچيدەگى ءوز ۇيىندە اجال قۇشقان. پاكستاندىق ساياساتكەر جانە بۇرىنعى كريكەت جۇلدىزى يمران حان ءوز پارتياسى باسشىلارىنىڭ ءبىرىنىڭ ولىمىنە قاتىستى باسەكەلەستەرىن كىنالاپ وتىر.
دالىرەك ايتقاندا, پارتيا ليدەرى يمران حان زاحر شاحيد حۋسسەيننىڭ ءولىمى ءۇشىن وزىمەن باسەكەلەس «مۋتتاحيدا كومي» قوزعالىسى كىنالى دەپ مالىمدەگەن. پوليتسيانىڭ مالىمەتى بويىنشا, حۋسسەيننىڭ كاراچيدەگى ۇيىندە ورىن العان ولىمىنە كەم دەگەندە قارۋلانعان ەكى بەلگىسىز ادام كىنالى. ساياساتكەردىڭ باسىنا ەكى رەت وق اتىلعان, سونىڭ سالدارىنان ول اۋرۋحاناعا بارا جاتقان جولدا قازا تاپقان كورىنەدى. ونىڭ پارتيالاستارى بۇل وقيعانى تەررورلىق اكت دەپ اتاپ وتىر.
ەگيپەت ءوز سولداتتارىن قۇتقارماق نيەتتە
ارمياعا جانە ەگيپەت ءىىم جانىنداعى ورتالىق قاۋىپسىزدىك باسقارماسىنا جاڭادان الىنعان جەتى سولداتتى 16 مامىر كۇنى بىرەۋلەر قولعا تۇسىرگەن.
سولداتتاردى ۇرلاۋشىلار تۇرمەلەردەگى ءولىم جازاسىنا كەسىلگەن ءوز ادامدارىن بوساتۋدى تالاپ ەتۋدە. ەگيپەتتىڭ كۇشتىك قۇرىلىمدارى بولسا تۇراقتى ارميانىڭ قولعا تۇسكەن سولداتتارىن بوساتۋ ماقساتىندا ارنايى وپەراتسياعا دايىندالۋدا. «ءال-ياۋم اس-سابيا» پورتالىنىڭ جازۋىنا قاراعاندا, ارنايى ماقساتتاعى بولىمدەر سيناي تۇبەگىندە ايتارلىقتاي كۇشتەرىن جۇمىلدىرۋدا. كەيبىر مالىمەتتەرگە قاراعاندا, قىلمىسكەرلەر قولعا تۇسكەن سولداتتاردى كورشىلەس گازا سەكتورىنا اسىرىپ جىبەرمەك نيەتتە كورىنەدى.
لي كەتسياننىڭ ۇندىستانعا ساپارى
قىتايدىڭ مەملەكەتتىك كەڭەسىنىڭ پرەمەرى لي كەتسيان ءۇش كۇندىك رەسمي ساپارمەن ۇندىستانعا كەلدى. نيۋ-دەلي اۋەجايىندا قىتايلىق دەلەگاتسيانى ءۇندىستان سىرتقى ىستەر ءمينيسترى مەن وزگە دە جوعارى لاۋازىمدى شەنەۋنىكتەر قارسى الدى.
لي كەتسياننىڭ اۋەجايدا تاراتىلعان جازباشا مالىمدەمەسىندە قىتاي مەن ءۇندىستاننىڭ ءىرى دامۋشى مەملەكەتتەر ەكەندىگى, ەكى ەل اراسىنداعى قارىم-قاتىناستاردىڭ بىرقالىپتى دامىپ كەلە جاتقاندىعى, ولاردىڭ ەكى ەلدىڭ دە تۇبەگەيلى مۇددەلەرىنە جاۋاپ بەرەتىندىگى, سونداي-اق, ازيانىڭ جانە بۇتىندەي العاندا بۇكىل الەمدە بەيبىتشىلىك پەن وركەندەۋدى قامتاماسىز ەتۋگە قوسىلعان ۇلەس ەكەندىگى اتاپ كورسەتىلگەن. ايتا كەتۋ قاجەت, قىتاي ۇكىمەتى ءۇندىستاندى ماڭىزدى ارىپتەس دەپ تانيدى.
ينتەرنەت ماتەريالدارى نەگىزىندە ازىرلەندى.
