وبلىستىق توتەنشە جاعدايلار دەپارتامەنتى ءباسپاسوز قىزمەتى بەرگەن مالىمەتتە ءتىلسىز جاۋدىڭ قوناق ءۇيدىڭ استىڭعى قاباتىندا ورنالاسقان ساۋنادان شىققانى ايتىلعان. جەدەل تۇردە شتاب قۇرىلىپ, ساعات 00:26-دا وقيعا ورنىنا جەتكەن قۇتقارۋشىلار 3 بالانى قۇتقاردى جانە 31 ادامدى قاۋىپسىز جەرگە كوشىردى. ايتا كەتەيىك, ولاردىڭ 29-ى بالا. بالالاردىڭ ءبارى اتىراۋعا ورالدان سپورتتىق جارىسقا كەلگەن. «9 شارشى مەتر اۋماقتى شارپىعان ءورت ساعات 01:39-دا ءسوندىرىلدى. زارداپ شەككەندەر جوق» دەلىنگەن حابارلامادا.
قازىر ءورتتىڭ شىعۋ سەبەبى انىقتالىپ جاتىر. ءورتتى سوندىرۋگە جەكە قۇرامنان 32 ادام جانە وبلىستىق توتەنشە جاعدايلار دەپارتامەنتىنەن 8 دانا تەحنيكا جۇمىلدىرىلدى.
بۇگىن الەۋمەتتىك جەلىلەردە اتىراۋداعى وسى ءورت وقيعاسىندا بالالاردى قۇتقارۋعا اتسالىسقان ازاماتتار تۋرالى اقپارات تاراپ, قىزۋ تالقىعا تۇسۋدە. قوناق ءۇي جانىنداعى «ايۆا», «باشنيا» مەيرامحانالارىنىڭ قىزمەتكەرلەرى ءتىلسىز جاۋدى قۇرىقتاۋعا كومەكتەسكەنى جونىندە جازىلىپ جاتىر. وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى وقيعا ەرتەڭ ناقتى زەردەلەنىپ, ماراپاتقا ۇسىنىلاتىن ازاماتتار بولسا, قوسىمشا حابارلاناتىنىن مالىمدەدى.
اتىراۋ
