سالتاناتتى جيىندا سالا بويىنشا اتقارىلىپ جاتقان جۇمىستار جان-جاقتى تانىستىرىلدى. سوڭعى جىلدارى دەنساۋلىق ساقتاۋ سالاسىنا بولىنگەن قارجى 55پروتسەنت ءوستى. مەديتسينالىق قوندىرعىلاردى ساتىپ الۋعا بەرىلەتىن قاراجات 2 ەسە ۇلعايدى. تاعى دا زاماناۋي قوندىرعىلار ساتىپ الىنىپ, 14 ەمدەۋ مەكەمەسى كۇردەلى جوندەلمەك.
«ساپالى ءارى ءتيىمدى جۇمىس ىستەۋ ءۇشىن ەمدەۋ مەكەمەلەرىنىڭ ماتەريالدى-تەحنيكالىق بازاسىن جاقسارتۋىمىز قاجەت. قىركۇيەك ايىندا ماگنيتتى رەزونانستىق توموگرافيا جانە انگيوگراف قوندىرعىلارى الىنادى. كومپيۋتەرلىك توموگراف پەن تسيفرلىق مامموگراف كەلەدى. اۋداندارعا 700 ميلليون تەڭگەگە 25 قوندىرعى ساتىپ الىنادى», دەدى قۇمار ىرگەباي ۇلى.
مەديتسينا قىزمەتكەرلەرىنە جاعىمدى جاڭالىق جەتكىزىلدى. كۇزگە تامان پەتروپاۆلدا كوپسالالى اۋرۋحانانىڭ قۇرىلىسى باستالادى. اۋقىمدى جوبانى تۇرىك كومپانياسى جۇزەگە اسىرادى. وندا ءوڭىر تۇرعىندارىمەن قوسا كورشىلەس وبلىستار مەن رەسەيدىڭ ازاماتتارى دا ەمدەلە الادى. وسى ماقساتپەن 200 دارىگەر شەتەلگە وقۋعا جىبەرىلەدى.
سالتاناتتى جيىن بارىسىندا ءبىر توپ دارىگەرلەرگە «دەنساۋلىق ساقتاۋ سالاسىنىڭ ۇزدىگى» توسبەلگىسى مەن العىس حاتتار تابىس ەتىلدى.
سولتۇستىك قازاقستان وبلىسى.
