ايماقتار • 15 ماۋسىم، 2019

30-دان استام تۇلەك ۇبت-نى اعىلشىن تىلىندە تاپسىرماق

391 رەت كورسەتىلدى

وبلىستىق ءبىلىم بەرۋدى دامىتۋدىڭ يننوۆاتسيالىق ورتالىعىنىڭ مالىمەتىنشە، وتكەن جىلدان باستاپ مەكتەپ تۇلەكتەرى ۇبت-نى 4 رەت تاپسىرۋعا مۇمكىندىك الدى.

قاڭتار، ناۋرىز جانە تامىز ايىندا تەستىلەۋدەن وتكەندەر تەك اقىلى وقۋعا تۇسۋگە قۇقىعى بار.

ال، ماۋسىم-شىلدە ايىندا تەست تاسپىرعاندار مەملەكەتتىك گرانتقا ۇمىتكەر اتانا الادى.

وڭىردەگى بيىلعى مەكتەپ بىتىرەتىن تۇلەكتەردىڭ سانى – 3590. ونىڭ 81،5 پايىزى ماۋسىم-شىلدە ايىنداعى ۇبت-نى تاپسىرۋعا نيەت بىلدىرگەن.

قازىر تۇلەكتەر تەستىلەۋدى ءۇش تىلدە تاڭداي الادى. بيىل اعىلشىن تىلىندە سىننان وتۋگە 30-دان استام تۇلەك ءوتىنىش جازعان.

حالىقارالىق شەت ءتىلى ەمتيحاندارىن تاپسىرعاندار سەرتيفيكاتتارىن اكەلگەن جاعدايدا سايكەس ۇپايلارى قويىلىپ بەرىلەدى.

2019 جىلدىڭ 1 ساۋىرىنەن باستاپ 10 مامىرعا دەيىن تەستىلەۋ وتكىزۋدىڭ 10 پۋنكتىندە سىناققا قاتىسۋ بويىنشا وتىنىشتەر قابىلدانعان.

ال ۇلتتىق بىرىڭعاي تەستىلەۋ 20 ماۋسىم–5 شىلدە ارالىعىندا وتكىزىلەدى. جاۋاپ بەرۋگە بۇرىنعىداي 3 ساعات 50 مينۋت بەرىلەدى.

 الدىڭعى ۋاقىتتا كەشەندى تەستىلەۋ تاپسىرۋ جۇيەسى دە وزگەرگەن.

 وتكەن جىلعى مەكتەپ بىتىرۋشىلەر، كوللەدج تۇلەكتەرى كەشەندى تەستىلەۋىن بيىلعى تۇلەكتەرمەن بىرگە تاپسىرادى. مەملەكەتتىك گرانتقا ءوتىنىش جازاتىن كەزدە تۇلەكتەر ماماندىق ەمەس، وقۋ باعدارلاماسىن تاڭدايدى.                                                                                              

پاۆلودار وبلىسى
سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ۇقساس جاڭالىقتار