ءوز كەزەگىندە ءسوز العان مەملەكەت باسشىسى قاسىم-جومارت توقاەۆ ازياداعى ءوزارا ءىس-قيمىل جانە سەنىم شارالارى جونىندەگى كەڭەس قۇرلىقتىڭ تاريحىندا جاڭا كەزەڭدى اشىپ, ازياداعى قاۋىپسىزدىكتى قامتاماسىز ەتۋدىڭ نەگىزگى كوزىنە اينالعانىن ايتتى.
«فورۋمنىڭ گەوگرافياسىن كەڭەيتۋ ونىڭ حالىقارالىق ارەناداعى ءرولى مەن بەدەلىن ارتتىردى. بۇگىنگى كۇنى اوسشك - ازيالىق ايماقتىڭ 35 مەملەكەتى مەن عالامشاردىڭ جارتىسىنا جۋىعىن بىرىكتىرەتىن بەدەلدى, كوپجاقتى قۇرىلىم» دەدى ەل پرەزيدەنتى.
سونداي-اق ق. توقاەۆ كەڭەستى شاقىرۋ يدەياسىن قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ 1992 جىلى 5 قازاندا بۇۇ باس اسسامبلەياسىنىڭ 47-ءشى سەسسياسىندا جاريا ەتكەنىن ايتىپ ءوتتى. «اوسشك-تى وتكىزۋ يدەياسى ءبىزدىڭ كونتينەنتىمىزدىڭ تاريحىندا جاڭا كەزەڭ اشىپ, ازياداعى قاۋىپسىزدىكتى قامتاماسىز ەتۋدىڭ بىردەن-ءبىر فاكتورىنا اينالدى», دەدى قاسىم-جومارت توقاەۆ.
سونىمەن قاتار ەل پرەزيدەنتى بارلىق مەملەكەتتى ازياداعى ءوزارا ءىس-قيمىل جانە سەنىم شارالارى كەڭەسىنىڭ تيىمدىلىگىن ودان ءارى ارتتىرۋعا شاقىردى.
