ايماقتار • 14 ماۋسىم، 2019

«بالادان اسقان باقىت جوق» – دەيدى بالالار دارىگەرى ءاليا گاينۋتدينوۆا

201 رەتكورسەتىلدى

جوعارى سىنىپتاردا وقىپ جۇرگەندە اناسى ەكونوميست­­ بول­عان سوڭ ءوزىنىڭ دە وسى مامان­دىق­قا اڭسارى اۋاتىن. بولاشاقتى بول­جاعان ءبىر سىرلاسۋدا ومىرلىك تاجى­ريبەسىنە سۇيەنىپ، ابزال انا اقىل قوسقان.

– قىزىم، – دەگەن ول،– ەڭ ابزالى دارىگەر بولۋ. قانشاما ادامعا قۋانىش سىيلايسىڭ. ال بالالار دارىگەرى بولساڭ، ءتىپتى جاقسى. بالا­دان اسقان باقىت جوق قوي.

انا ءسوزى امانات ىسپەتتى. 1986 جىلى كازگورودوك ورتا مەكتەبىن بىتىرگەننەن كەيىن سەلينوگراد مەملەكەتتىك مەديسينا ينستيتۋتىندا ءبىلىم الدى. وبلىستىق بالالار اۋرۋحاناسىندا تابان اۋدارماستان 18 جىل قىزمەت ەتكەننەن كەيىن ەڭبەك جولى قالالىق ەمحانادا جالعاستى. وسى جىلدار ىشىندە مول تاجىريبە جيناقتادى، ءبى­لىمىن بايىتتى.

سول تاجىريبەسىنە سۇيەنگەن بالالار دارىگەرى ءاليا گاينۋت­دينوۆانىڭ ايتۋىنا قاراعاندا، بالالار بويىنداعى دەرت جىل ماۋسىمىنا بايلانىستى بىردە ازايىپ، بىردە كوبەيىپ تۇرادى ەكەن. ماسەلەن، تىنىس الۋ ورگاندارى، وكپەنىڭ قابىنۋى قاقاعان قىس ايلارىندا ءجيى كەزدەسەدى. كوكتەمنىڭ دە ءوز ەرەكشەلىگى بار. كەي جىلدارى بەلگىلەنگەن ءتارتىپ بو­يىنشا جىلۋ بەرۋ ماۋسى­مى اياق­تال­عانىمەن، جادىرا­عان جاز­دىڭ شۋاعىن توگۋى كەشەۋىل­دەيدى. بۇل ەندى سولتۇستىك وڭىر­گە ءتان جايت. قالا پاتەرلەرى قو­ڭىر­جاي سالقىن بولعان سوڭ بالالار اۋرۋعا ءجيى شال­دىعادى. ەندىگى بىر ماسەلە وسى جۇقپالى دەرت بوي كوتە­رىپ، اۋرۋ بەلەڭ العان تۇستا، ونى­مەن كۇرەسۋدەگى قيىندىق. ماماننىڭ ايتۋىنا قاراعاندا، بالالار دارىگەرى جەتىسپەيدى. ار­قاي­سى­سىنىڭ جۇكتەمەسى ەكى-ۇش ەسەدەن كەلەدى. كادر تاپشىلىعىنا نەگىز­گى سەبەپ، جالاقىنىڭ جارى­تىم­سىز­دىعى، باسپانانىڭ جوق­تى­عى، الەۋ­مەتتىك-تۇرمىستىق جاع­داي­دىڭ ناشارلىعى.

قازىر بالالار اراسىندا ەڭ ءجيى كەزدەسەتىن اۋرۋ ءتۇرى – تىنىس ورگاندارى ەكەن. كۇنى-تۇنى كوك تۇ­تىننەن ارىلمايتىن قالانىڭ اۋاسى دا كەسىرىن تيگىزىپ جاتقانى انىق. بىر-بىرىنە ساباقتاسىپ جات­قان قيىندىق اتاۋلىنى كەشەندى تۇر­دە شەشە الساق، كەلەر ۇرپاق دەرت­­تەن ادا، ءتانى ساۋ بولىپ قالىپ­تاسا­دى.

– بالعىندار – ەل بولاشاعى، بولا­شاعىمىز مىقتى بولۋى ءۇشىن دە وسى باستان ۇزاق جىل بويى قوردالانىپ قال­عان ماسەلەلەردى كوپ بولىپ بىر­لەسىپ شەشۋ كەرەك،–دەيدى اليا گاينۋتدينوۆا،–قازىر مەم­لەكەت تاراپىنان جاقسى قام­قور­لىق جاسالىپ وتىر. بىز­دىڭ ەم­حانانىڭ جانىندا كۇندىزگى ستاسيونار بار. ەمدەلۋى، دارى-دارمەگى تەگىن. اي سايىن ونداعان بالا ەم­­دەلىپ، قۇلان-تازا جازىلىپ شى­­عادى. راس، كادر جەتپەگەن سوڭ ۋاقىتپەن ساناسپاي ؛ جۇمىس ىس­­تەۋگە تۋرا كەلەدى. ءبىز وعان ەش رەنجىمەيمىز. ويتكەنى بالادان اسقان باقىت جوق قوي.

 ؛

اقمولا وبلىسى

سوڭعى جاڭالىقتار

كۇلكى كەرۋەنى № 14

رۋحانيات • كەشە

ارنايى ەكونوميكالىق ايماق

ەكونوميكا • كەشە

قاھارمانعا قۇرمەت

رۋحانيات • كەشە

ماقساتى بيىك «مامىلە»

ايماقتار • كەشە

تالانتتار تالىمگەرى

رۋحانيات • كەشە

اقىن جانە ونىڭ مۋزاسى

رۋحانيات • كەشە

اۋادان قارماعان ايىپپۇل

ايماقتار • كەشە

ۇركىمباەۆ ۇيلەسىمى

ايماقتار • كەشە

جوشىعا اپارار جول

قوعام • كەشە

ۇقساس جاڭالىقتار