بۇگىنگى كوركەم فيلمدەردىڭ سۋرەتكەرلىك الەمىن بايلانىستىرىپ جاتقان ورتاق تاقىرىپ – الەم تىنىشتىعى مەن عالامشار قاۋىپسىزدىگى. بۇل جولى دا الەمدىك قاۋىمداستىققا قاۋىپ ءتوندىرىپ تۇرعان تىڭشىلارعا قۇپيا اگەنتتىكتەر قارسى تۇرادى. فيلم – لوۋەللا كاننينگەمنىڭ كوميكستەر سەرياسىنا نەگىزدەلگەن شەبەر قۇرىلعان كومپوزيتسياسىمەن-اق كۋلتكە اينالعان «قارا كيىمدىلەر» سەريالى ءفيلمىنىڭ سپين-وفف نۇسقاسى. كينوتۋىندىنىڭ رەجيسسەرى – فەليكس گەري گرەي بولسا, ستسەناريدى ارت ماركۋم مەن مەتت حوللوۋەەم جازدى. باستى رولدەردى كريس حەمسۋورت پەن تەسسا تومپسون وينادى. «كەلەسى تاراۋدىڭ قىزىقتى بولاتىنى ءسوزسىز. مەنى ادامداردىڭ باسىن بىرىكتىرەتىن دۇنيە ەرەكشە شابىتتاندىرادى. ءارتۇرلى سالادا تابىستى بولعانىم وزىمە جاقسى بولدى. ماقساتتارىم سەنىم بەرە تۇسەدى. وسىعان دەيىنگى اتقارعان شارۋالارىم كەلەشەك جوسپارلارىمدى ايقىنداپ بەرەدى», دەيدى رەجيسسەر فەليكس گەري گرەي باسىلىمدارعا بەرگەن سۇحباتىندا.
فيلم ءتۇسىرىلىمى 2018 جىلدىڭ 9 شىلدەسىندە لوندوندا باستالىپ, ماروككودا, يتاليادا جانە نيۋ-يوركتە جالعاستى. ەمما تومپسون بۇل جولى دا اگەنت و ءرولىن قايتا سومداپ شىققان. ال كورنەكى ەففەكتىلەردى جاساۋعا Rodeo FX, Sony Pictures Imageworks جانە Method سىندى بەدەلدى ستۋديالار اتسالىستى.
