كوشى-قون باسقارماسىنىڭ باستىعى تالعات ابىلەۆتىڭ ايتۋىنشا, تەرىسكەيگە كوشىپ كەلۋگە نيەت ەتكەندەردىڭ ءبىرى - 89 جاستاعى ۆەرا بۋرلاكوۆا. ول وسى جەردە تۋىپ-وسكەن. 2004 جىلى اقش-قا قىزىنىڭ قولىنا كوشىپ كەتكەن. ەندى 15 جىلدان كەيىن اتامەكەنگە ورالۋدى ءجون كورگەن.
«سولتۇستىك قازاقستاندا فابريكادا, اۆتوبۋس پاركىندە جۇمىس ىستەدىم. كۇيەۋىمىز ەكەۋىمىز التى بالا ءوسىرىپ, تاربيەلەدىك. شەتەلگە 75 جاسىمدا قونىس اۋداردىم. بىراق ۋاقىت وتكەن سايىن ساعىنۋمەن بولدىم. قايتىپ كەلگەنىمە قۋانىشتىمىن. بۇل جەردە مەنىڭ تۋىستارىم, نەمەرەلەرىم مەن جيەندەرىم تۇرادى», -دەيدى ۆەرا يۆانوۆنا.
مۇحيتتىڭ ارعى جاعىنان كريستەن دەنيەلسون دا قازاقستانعا كوشىپ كەلۋدى جوسپارلاعان. وبلىستىق كوشى-قون قىزمەتى باسقارماسىنا ول قۇجاتتارىن تاپسىرىپ قويىپتى. ول وسىدان ءۇش جىل بۇرىن سولتۇستىكقازاقستاندىقپەن تانىسىپ, ەندى قالعان ءومىرىن سونىڭ وتانىمەن بايلانىستىرماقشى.
سولتۇستىك قازاقستان وبلىسى
