شاراينا
سەيسەنبى, 19 ناۋرىز 2013 0:42
ەل كونستيتۋتسياسىنىڭ وزگەرتىلۋىنە قارسى
وتكەن جەكسەنبى كۇنى بۋداپەشتە مىڭداعان ادام ۆەنگريانىڭ پرەمەر-ءمينيسترى ۆيكتور وربانعا قارسىلىق بىلدىرگەن شەرۋ ءوتتى. ەل استاناسىنىڭ ورتالىعىندا وتكەن شەرۋ قالىڭ قار تۇسۋىنە بايلانىستى كەيىنگە شەگەرىلگەن بولاتىن.
سەيسەنبى, 19 ناۋرىز 2013 0:42
ەل كونستيتۋتسياسىنىڭ وزگەرتىلۋىنە قارسى
وتكەن جەكسەنبى كۇنى بۋداپەشتە مىڭداعان ادام ۆەنگريانىڭ پرەمەر-ءمينيسترى ۆيكتور وربانعا قارسىلىق بىلدىرگەن شەرۋ ءوتتى. ەل استاناسىنىڭ ورتالىعىندا وتكەن شەرۋ قالىڭ قار تۇسۋىنە بايلانىستى كەيىنگە شەگەرىلگەن بولاتىن.
«رەيتەر» اگەنتتىگىنىڭ جازۋىنا قاراعاندا, 2010 جىلى پرەمەر-مينيستر قىزمەتىنە ەكىنشى مارتە وتىرعان ۆيكتور وربان ەلدىڭ نەگىزگى زاڭى – كونستيتۋتسيانى وزگەرتۋگە باستاماشى بولعان. سوڭعى جىلدارى پارلامەنت كونستيتۋتسياعا ءتورتىنشى رەت وزگەرىستەر ەنگىزىپ وتىر. بۇل ۆەنگەرلىك وپپوزيتسيا تاراپىنان سىنعا ۇشىراپ كەلەدى. سونداي-اق, بۇعان ەۋروپالىق وداق پەن اقش-تا قارسىلىق بىلدىرۋدە. ولار دەموكراتيانى تۇنشىقتىرادى دەگەن پىكىر ايتادى.
قوسىمشا سالىق قاۋىپتى دەپ مالىمدەدى
رەسەي پرەزيدەنتى ۆلاديمير پۋتين كيپر بانكتەرىندەگى سالىمدارعا قوسىمشا سالىق ەنگىزۋ دۇرىس ەمەس جانە ول قاۋىپتى دەپ مالىمدەدى. «نوۆوستي» اقپارات اگەنتتىگىنىڭ حابارلاۋىنشا, پرەزيدەنت مۇنى كاسىبيلىكپەن شىعارىلعان ەمەس دەپ ايتقان.
وسىنىڭ الدىندا رەسەيدىڭ قارجى ۆيتسە-ءمينيسترى سەرگەي شاتالوۆ سالىمشىلاردىڭ بانكتەردەگى اقشالارىنا قوسىمشا سالىق ەنگىزۋ قاجەتتىلىك دەپ مالىمدەگەن بولاتىن. وتكەن جەكسەنبىدە كيپر ۇكىمەتى ەۋروپالىق وداقتىڭ تالاپ ەتۋىمەن ەلدىڭ بانكتەرىندەگى بارلىق دەپوزيتتەرگە سالىق ەنگىزگەن ەدى. سوعان بايلانىستى بانكتەردە 100 مىڭ ەۋروعا دەيىنگى سالىمى بار سالىمشىلار ونىڭ 6,75 پايىزىن, ال ودان كوپ قارجىسى بارلار 9,9 پايىز سالىق تولەۋگە ءتيىس.
40 ميلليارد دوللار تالاپ ەتۋدە
مايكل دجەكسوننىڭ وتباسى جانە مۇراگەرلەرى ءانشىنىڭ قايتىس بولۋىنا بايلانىستى وتپەي قالعان كونتسەرتى ءۇشىن پروموۋتەرلەردەن 40 ميلليارد دوللار تالاپ ەتۋدە. اگەنتتىكتەردىڭ اقپاراتتارى بويىنشا, كونتسەرتتىڭ وتپەي قالۋىنا ءانشىنىڭ جەكە دارىگەرى كونراد ميۋررەي كىنالى كورىنەدى.
بۇرىنىراقتا سوت ءانشىنىڭ ولىمىنە ك.ميۋررەيدىڭ سالعىرتتىعى سەبەپ بولعان دەگەن ايىپ تاعىپ, مۇراگەرلەرى كونتسەرتتى ۇيىمداستىرۋشىلاردان 10 ميلليارد دوللار تالاپ ەتكەن ەدى. ەندى ولار, ەگەر كونتسەرت ۋاقىتىندا وتكەندە, ودان ءانشى 30 ميلليارد دوللار تابىس تابار ەدى دەپ وتىر. سوت 2013 جىلدىڭ 2 ساۋىرىنە بەلگىلەنگەن. ال مايكل دجەكسون 2009 جىلدىڭ ماۋسىمىندا قايتىس بولعان.
ءۇش پوليتسەي قازا تاپتى
وزبەكستاندىق شەكاراشىلار اۋعانستاننىڭ سولتۇستىگىندەگى بالاح پروۆينتسياسىندا اۋعاندىق ءۇش پوليتسەيدى اتىپ تاستادى. اۋعانستان گەنەرالى موحامماد ماموزايانىڭ حابارلاۋىنشا, وقيعا 17 ناۋرىزدا تۇندە بولعان.
اۋعاندىق جەتى پوليتسەي اۋعانستانعا قارايتىن ءامۋداريا وزەنىنىڭ ورماندى القابىن ارالاپ كەتىپ بارا جاتقاندا, ولارعا بەلگىسىز سەبەپتەردەن وزبەكستان شەكاراشىلارى وق اتقان كورىنەدى. سونىڭ سالدارىنان ءۇش شەكاراشى قازا تاپقان. وسى وزەن بويىمەن وتەتىن اۋعانستان – وزبەكستان شەكاراسى 137 شاقىرىمدى قۇرايدى. جىل باسىنان بەرى اۋعاندىقتار 22 رەت شەكارانى بۇزعان ەكەن, 106 ادام ۇستالعان.
ۋكراينالىق جۋرناليست ەلىنە ورالدى
سيريا كوتەرىلىسشىلەرىنىڭ تۇتقىنىنان قاشىپ شىققان جۋرناليست انحار كوچنەۆا وتانىنا امان-ەسەن جەتتى. بۇل جونىندە ۋكراينا سىرتقى ىستەر مينيسترلىگىنىڭ ءباسپاسوز قىزمەتى حابارلادى.
ونىڭ دەنساۋلىعى قاناعاتتانارلىق, قازىرگى كەزدە ول كيەۆ قالاسىندا ورنالاستى. كوچنەۆانى 2012 جىلدىڭ قازانىندا ۇرلاپ كەتكەن ەدى. ونىڭ ايتۋىنشا, كوتەرىلىسشىلەر وعان ءجوندى قاراماعان. وزدەرى دە ناشار تۇرادى. تۇتقىندا ول 153 كۇن بولعان. العاشىندا كوتەرىلىسشىلەر ونى بوساتۋعا 50 ميلليون دوللار اقشا سۇراپتى. امالىن تاۋىپ قاشىپ شىققان كوچنەۆا 15 شاقىرىمعا جۋىق جول جۇرگەن.
ءۇش فۋتبولشىدان حابار جوق
قىرىمدا كوت-د يۆۋار ەلىنىڭ ءۇش فۋتبولشىسى جوعالدى. «جۋرناليستىك زەرتتەۋ ورتالىعى» سايتىنىڭ حابارىنا قاراعاندا, ولار 14 ناۋرىزدا ەۆپاتورياداعى قوناق ۇيدەن شىعىپ كەتكەن. كۇنى بۇگىنگە دەيىن ەشقانداي دەرەك جوق.
ەۆپاتوريا قالالىق ميليتسيا ءبولىمىنىڭ قىزمەتكەرى يۋري ءراسليننىڭ ايتۋىنشا, ولاردىڭ بىرگە كەلگەن كوماندالاستارى قالاداعى وقۋ-جاتتىعۋ ورنىندا جاتتىعۋ ۇستىندە. ءۇش فۋتبولشىنىڭ جوعالعاندىعى جونىندە كوماندا جەتەكشىسىنە حابارلاندى. جاتتىقتىرۋشىنىڭ ايتۋىنشا, ولاردىڭ ۇشەۋىندە دە اقشا بولعان, ۇيالى تەلەفوندارى بار. فرانتسۋز تىلدەرىن بىلەدى.
قىسقا قايىرىپ ايتقاندا:
كانادانىڭ سەن-جەرو تۇرمەسىنەن تىكۇشاقپەن قاشىپ كەتكەن ەكى تۇتقىن دا ۇستالدى.
كەشە پاكستاننىڭ سولتۇستىگىندەگى پەشاۆر قالاسىنىڭ سوتى عيماراتىنا سودىرلار شابۋىل جاسادى. شابۋىل كەزىندە 3 ادام قازا تاۋىپ, 27 ادام جارالاندى.
اقش-تىڭ ينديانا شتاتىنداعى تۇرعىن ۇيگە شاعىن ۇشاق قۇلاپ, ەكى ادام وپات بولدى.
گرەكيانىڭ ورتالىعىنداعى مالاندارينو قالاسىنداعى تۇرمەدە كەپىلگە الىنعان بەس قىزمەتكەر دە بوساتىلدى.
ينتەرنەت ماتەريالدارى نەگىزىندە ازىرلەندى.
