جيىنعا اقش-تىڭ «سالىق جانە ينۆەستيتسيالار» حالىقارالىق ورتالىعىنىڭ پرەزيدەنتى دانيەل ۆيت, اتلانت كەڭەسىنىڭ جوعارى عىلىمي قىزمەتكەرى اريەل كوەن, The Jamestown Foundation اعا عىلىمي قىزمەتكەرى ۆلاديمير سوكور, نيۋ-مەكسيكو ۋنيۆەرسيتەتىنىڭ پروفەسسورى گرەگوري گليسون, اتلانت كەڭەسىنىڭ مۇشەسى ريچارد ۆايتتس جانە باق وكىلدەرى قاتىستى.
«6-9 ماۋسىم ارالىعىندا ءبىزدىڭ بايقاۋشىلار دەلەگاتسياسى پرەزيدەنتتىكتەن ۇمىتكەر بارلىق 7 كانديداتپەن جانە ولاردىڭ ورتالىق شتابتارىمەن كەزدەستى. سونداي-اق ورتالىق سايلاۋ كوميسسياسىنىڭ جۇمىستارىمەن دە تانىس بولدىق. ءبىز سايلاۋ بارىسىندا نۇر-سۇلتان, الماتى, شىمكەنت قالالارىنداعى جانە اقمولا وبلىسىنداعى 61 سايلاۋ ۋچاسكەسىنە باردىق. ءار ۋچاسكەدەگى داۋىس بەرۋ جۇمىستارى ءبىزدىڭ باقىلاۋىمىزدا بولدى. ۋچاسكەلەردەگى داۋىس بەرۋشىلەرمەن ءتىلدەسكەنىمىزدە ولار سايلاۋ كەزىندە ەشقانداي كەدەرگىلەر بولماعانىن ايتتى», دەدى «سالىق جانە ينۆەستيتسيالار» حالىقارالىق ورتالىعىنىڭ پرەزيدەنتى دانيەل ۆيت.
«ءبىز سايلاۋ ۋچاسكەلەرىنەن جەرگىلىكتى پارتيالاردىڭ بايقاۋشىلارىن كوردىك. ولار سايلاۋعا قاتىستى قانداي دا ءبىر قۇقىق بۇزۋشىلىق ارەكەتتەر بولماعانىن جانە ەشقانداي قىسىمسىز ەركىن جۇمىس ىستەپ جاتقاندارىن جەتكىزدى. سايلاۋ اشىق ءارى قالىپتى جاعدايدا ءوتتى. دەسە دە ءبىز سايلاۋعا قاتىستى تەحنيكالىق قاتەلىكتەردى بايقادىق. ءبىزدىڭ ويىمىزشا, بۇل جاعداي كەزدەيسوق بولعان وقيعا», دەدى اتلانت كەڭەسىنىڭ جوعارى عىلىمي قىزمەتكەرى اريەل كوەن.
