شىمقالالىقتار بۇل رەتكى ساياسي ناۋقانعا بەلسەندىلىك تانىتۋدا. قازاقستان پرەزيدەنتىن كەزەكتەن تىس سايلاۋدىڭ ساعات 12-دەگى ناتيجەسى بويىنشا شىمكەنت قالاسىنداعى كورسەتكىش 24,6 پايىزدى قۇراپ وتىر.
ءتىپتى, سايلاۋ ۋچاسكەلەرىنە قايتپاس مولتەكاۋدانىنداعى ءبىر اۋلەتكە جاڭا تۇسكەن جاس كەلىن دە ءوز تاڭداۋىن جاساۋعا كەلگەن. بۇدان وزگە سايلاۋدا ءاربىر ازاماتتىڭ داۋىسى ماڭىزدى ەكەنىن تۇسىنگەن جاڭا وتاۋ تىككەن جاس جۇبايلاردا كەلىپ, ەلدىك ماسەلەگە بەي-جاي قارامايتىندىعىن كورسەتتى.
تاڭمەن تالاسا شىمكەنت قالاسىنىڭ اكىمى عابيدوللا ءابدىراحىموۆ ا. پۋشكين اتىنداعى N1 مەكتەپ-گيمنازياسىنداعى 92 سايلاۋ ۋچاسكەسىنە كەلىپ, ءوز تاڭداۋىن جاسادى. اتالعان سايلاۋ ۋچاسكەسىندە 4 بايقاۋشى بار. مۇندا جالپى 2504 سايلاۋشى تىركەلگەن.
«بۇل ساياسي ءىس-شارا - ەلىمىز ءۇشىن وتە ماڭىزدى. ەڭ ءبىرىنشى بولىپ, ارىپتەستەرىممەن بىرگە كەلىپ داۋىس بەرۋدى ۇيعاردىم. بۇل - بولاشاعىمدى تاڭداۋ. بارشا قالا تۇرعىندارىن ءوز كونستيتۋتسيالىق قۇقىعىن پايدالانىپ, داۋىس بەرۋگە شاقىرامىن. بارىندە ءوز تاڭداۋ قۇقىعى بار», - دەيدى ع. ءابدىراحىموۆ.
ال, شىمكەنت قالاسىنداعى جاستار رەسۋرستىق ورتالىعىندا ورنالاسقان №99 سايلاۋ ۋچاسكەسىندە 2402 ادام تىركەلگەن. ونىڭ ىشىندە 3-ءى مۇمكىندىگى شەكتەۋلى جاندار. مۇندا كەلۋشىلەردىڭ ساياسي دوداعا ءبىر كىسىدەي اتسالىسۋى ءۇشىن بار جاعداي جاسالعان. قالا تۇرعىندارىنىڭ دا, ەل ىرگەسىن ۇستار جاستاردىڭ دا بەلسەندىلىگى ەرەكشە. «امانات» ازاماتتىق پلاتفورماسىنىڭ دا سايلاۋداعى باقىلاۋ جۇمىستارى جوعارى دەڭگەيدە.
«تاڭەرتەڭنەن ءاربىر كەلگەن سايلاۋشىلارىمىز ءوزىنىڭ قالاعان كانديداتتارىنا داۋىس بەرىپ جاتىر. داۋىس بەرۋگە قۇقىلى ءار ازامات سايلاۋدا ءوز تاڭداۋىن جاساۋى ءتيىس. ولار وسىنداي كەزەڭدە بەيتاراپ قالماۋى كەرەك», - دەيدى سايلاۋدىڭ باقىلاۋشى وكىلدەرى.
شىمكەنت
