جۋرناليستەر الدىندا سويلەگەن سوزىندە قاسىم-جومارت توقاەۆ پرەزيدەنت سايلاۋىنىڭ تاريحي كۇن ەكەنىن اتاپ ءوتتى. ول بيلىك تاراپىنان سايلاۋدىڭ اشىق ءارى دەموكراتيالى ءوتۋى ءۇشىن بارلىق جاعداي جاسالعانىن ايتتى.
- مەنىڭ ويىمشا, ءار سايلاۋ, اسىرەسە, پرەزيدەنت سايلاۋى «قاقتىعىس الاڭى» ەمەس. بۇل – ۇمىتكەرلەردىڭ ۇسىنىستارى, باعدارلامالارى باسەكەگە تۇسەتىن دودا. ءبىزدىڭ حالقىمىز ەلدە بولىپ جاتقان ساياسي وقيعالارعا ەشقاشان بەيجاي قاراعان ەمەس. وسى جولى دا قازاقستان حالقى وزدەرىنىڭ ازاماتتىق بەلسەندىلىگىن تانىتىپ, مەملەكەتىمىزدىڭ بولاشاعى ءۇشىن داۋىس بەرەدى دەپ ۇمىتتەنەمىن, – دەپ مالىمدەدى قاسىم-جومارت توقاەۆ.
سوڭىندا مەملەكەت باسشىسى وتاندىق جانە شەتەلدىك بۇقارالىق اقپارات قۇرالدارى وكىلدەرىنىڭ ساۋالدارىنا جاۋاپ بەردى.
