– بايبىشەمىز ەكەۋىمىز قۋانىشتى جاعدايدا زور ۇمىتپەن داۋىس بەردىك. ءبىز تاڭداعان ادام جۇمىسقا قابىلەتتى, حالىقتىڭ, ەڭبەكشىلەردىڭ ءوتىنىش-تىلەكتەرىنە مۇقيات بولادى دەگەن سەنىمدىمىن, – دەدى بۇركىت ەسجانوۆ.
ايتا كەتۋ كەرەك, قاراعاندى وبلىسىنداعى سايلاۋ ۋچاسكەلەرىنىڭ بارلىعىندا مۇمكىندىگى شەكتەۋلى جاندارعا قولايلى جاعدايدىڭ ءبارى جاسالعان: ولار ءۇشىن داۋىس بەرۋگە ارنالعان جەكە كابينكالار قۇرىلدى جانە جاشىكتەر قول ەركىن جەتەتىندەي دەڭگەيدە ورنالاستىرىلعان. كەيبىر ۋچاسكەلەردە بۋفەتتەر جۇمىس ىستەپ تۇر.
حالىقارالىق جانە تاۋەلسىز ۇيىمداردىڭ اتىنان سايلاۋ بارىسىن باقىلاۋعا نيەت بىلدىرگەن بايقاۋشىلار ءۇشىن سايلاۋ ۋچاسكەلەرىندە بارلىق جاعداي قاراستىرىلعان.
