كانديدات داۋىس بەرۋگە جەرگىلىكتى ساعات 11:00-دە پارتيالاستارىمەن كەلدى.
دانيا ەسپاەۆا جەڭىستەن ءۇمىتتى ەكەنىن جاسىرمادى. «ۇگىت-ناسيxات جۇرگىزۋگە كومەكتەسكەن ارىپتەستەرىمە العىس ايتامىن. جەڭىستەن ءۇمىتتىمىن. مەنىڭ ويىمشا, مەن جەڭىسكە جەتە الامىن. مەن قازاقستان ايەلدەرىن, كاسىپكەرلەردى تانىستىرامىن. تۇنىمەن ۇيىقتامادىم», دەدى ۇمىتكەر.
«بۇگىن 1 ايعا جالعاسقان جۇمىستىڭ نۇكتەسىن قويدىق. بار كۇشىمدى سالىپ جۇمىس ىستەدىم. «اق جول» پارتياسىندا كاسىپكەرلەر وتە كوپ. دەگەنمەن ماعان سەنىپ, مەنى قولداعانىنا العىسىمدى ايتامىن. بۇگىن ەرتەڭىمىز ءۇشىن, بولاشاعىمىز ءۇشىن تاڭداۋ جاسادىم. ءوز جەڭىسىمە سەنىمدىمىن. قازاقستاندا العاش رەت ايەل ۇمىتكەردىڭ بولۋى ەلىمىزدەگى رەفورمانىڭ, دەموكراتيانىڭ بەلگىسى. بۇل قادامعا العاش بولىپ «اق جول» دەموكراتيالىق پارتياسى باردى», دەدى دانيا ەسپاەۆا.
