اتاپ ايتقاندا, وبلىس ورتالىعى اۋماعىندا №150 ۋچاسكە ساقاداي-ساي جابدىقتالدى. مۇندا 9 ماۋسىم كۇنى 325 619 سايلاۋشى داۋىس بەرەدى دەپ كۇتىلۋدە. ءبىز وسى ساياسي ناۋقانعا تىڭعىلىقتى ازىرلىك جاساي بىلگەن №60 جالپى ورتا ءبىلىم بەرەتىن مەكتەپتە ورنالاسقان №531 سايلاۋ ۋچاسكەسىنە بارعانىمىزدا, 2755 سايلاۋشىنىڭ ءتىزىمى ۇقىپتى تۇردە جيناقتالعانىنا كۋا بولدىق.
ونىڭ ىشىندە 7 جاس سايلاۋعا تۇڭعىش رەت قاتىسىپ, داۋىس بەرگەلى وتىر ەكەن. ۋچاسكە شەڭبەرىنە كىرەتىن 6 مۇمكىندىگى شەكتەۋلى جانعا دا داۋىس بەرۋ ءۇشىن ىڭعايلى ءارى قاجەتتى جاعدايلار جاسالىپتى. جاسى ۇلعايعان قاريالارعا قاتىستى دا ءدال وسىلاي دەۋىمىزدىڭ ءجونى بار. №531 سايلاۋ ۋچاسكەسىنىڭ توراعاسى ابزال تاجىمىشەۆ بىزگە سايلاۋ ناۋقانىنا ازىرلىك جۇمىستارىنىڭ قورىتىندىلارى جانە سايلاۋشىلاردىڭ بۇگىنگى ىنتا-جىگەرى مەن ءورشىل كوڭىل كۇيى جونىندە ايتىپ بەردى.
اتالعان سايلاۋ قوسىنىمەن ىرگەلەس №532 سايلاۋ ۋچاسكەسىندە دە جيناقىلىق پەن ۇقىپتىلىقتىڭ وڭ كورىنىستەرى بىردەن بايقالدى. مۇندا 2975 سايلاۋشى تىركەلسە, دەنساۋلىق جاعدايىنا بايلانىستى التى ادامنىڭ ۇيىنەن داۋىس بەرۋ ءۇشىن بارلىق مۇمكىندىك تۋعىزىلىپتى. تاعى ءبىر ايتا كەتەرلىك جايت, اتالعان سايلاۋ ۋچاسكەلەرى داۋىس بەرۋگە العاشقىلاردىڭ لەگىندە ازاماتتىق پارىزدارىن اتقارۋعا كەلگەن 100 ادامعا ارنايى سىيلىق تاپسىرۋدى كوزدەپ وتىر ەكەن.
