ەگەر وتباسىندا ەڭبەككە قابىلەتتى ادام بولسا, بۇل وتباسىنا شارتتى الەۋمەتتىك كومەك تاعايىندالادى. ول دەگەنىمىز, ول ادام جۇمىسپەن قامتۋ ورتالىعى ۇسىنعان جۇمىسىن جاساۋعا مىندەتتى. ال, جۇمىس جاساۋعا مۇمكىندىگى جوق بولسا, مۇمكىندىگى شەكتەۋلى بالاعا جانە قارت ادامدارعا كۇتىم جاساپ وتىرسا, شارتسىز اقشالاي كومەك بەرىلەدى. ەكەۋىنىڭ باستى ايىرماشىلىعى شارتسىز كومەك 6 ايعا, شارتتى جاردەماقى 12 ايعا تاعايىندالادى. مولشەرى بىردەي.
- دەگەنمەن, بۇرىنعىداي كوپ قۇجات جيناۋ فورماتى جويىلعان. كەيدە جەلىلىك اقاۋلار بولىپ, قابىلداۋ ۋاقىتى ۇزاپ كەتىپ جاتادى. وسىندايدا حالىق شىدامسىزدىق تانىتىپ, باسقاداي ارەكەتتەرگە بارادى. اسىعۋدىڭ ەش قاجەتى جوق. ايدىن سوڭىندا تاپسىرسا دا, ول ازاماتقا سول ايعا تولىقتاي جاردەماقى تولەنەدى. نەگىزىنەن اتاۋلى الەۋمەتتىك كومەكتى كوپ بالالى وتباسىلار الۋدا. ۇمىتكەرلەردىڭ قۇجاتتارى ساقاداي ساي بولسا, اتاۋلى الەۋمەتتىك كومەك 7 جۇمىس كۇننىڭ ىشىندە تاعايىندالادى, دەدى وڭىرلىك كوممۋنيكاتسيالار قىزمەتى الاڭىندا وتكەن بريفينگتە مۇنايلى اۋدانى اكىمىنىڭ ورىنباسارى ءبىلالوۆ بەرىك.
ماڭعىستاۋ وبلىسى
