جيىنعا قازاقستاننىڭ جاڭارتىلاتىن ەنەرگيا كوزدەرى قاۋىمداستىعىنىڭ باس ديرەكتورى ارمان قاشكىنبەكوۆ, «جاستار» عىلىمي-زەرتتەۋ ورتالىعىنىڭ ديرەكتورى, ساياساتتانۋشى تالعات قاليەۆ, «ەLAMAN» الەۋمەتتىك-يننوۆاتسيالىق جوبالار قورىنىڭ توراعاسى, بلوگەر الماز ەرجان, «Cascadia Consumer Electronics Corporation» كومپانياسىنىڭ باس وكىلى Tىلەكتەس ادامبەكوۆ جانە «بولاشاق» باعدارلاماسىنىڭ تۇلەكتەرى قاتىستى.
جيىنعا قاتىسۋشىلار سايلاۋ ناۋقانى بارىسىندا تۋىنداعان وزەكتى ماسەلەلەردى, سايلاۋدىڭ وتۋىنە دايىندىق پەن ءتارتىبى جايلى تالقىلاپ, ءوز ويلارىمەن ءبولىستى. «جاستار» عىلىمي-زەرتتەۋ ورتالىعىنىڭ ديرەكتورى تالعات قاليەۆ سايلاۋدا سايلاۋعا قاتىسۋشىلاردىڭ بەلسەندىلىگى جوعارى بولاتىنىن ايتتى.
«بيلىك ءترانزيتى بولعان ساتتەن باستاپ جاستاردىڭ ساياسي ومىرگە دەگەن قىزىعۋشىلىعى كۇرت ارتقان سياقتى. دەگەنمەن بۇل بىردەن ءىس-ارەكەتكە اينالادى دەگەندى بىلدىرمەيدى. سەبەبى قىزىعۋشىلىق, شەشىم قابىلداۋ جانە ءىس-ارەكەت اراسىندا بەلگىلى ءبىر ۋاقىت ارالىعى بار. مەنىڭ ويىمشا وسى سايلاۋدا قاتىسۋشىلاردىڭ بەلسەندىلىگى بارىنشا جوعارى بولادى. ءبىزدىڭ ورتالىقتىڭ جۇرگىزگەن ساۋالناماسىنا سايكەس جاستارعا قاراعاندا اعا بۋىن سايلاۋعا بەلسەندى تۇردە قاتىسۋدى جوسپارلاپ وتىر», دەدى ت.قاليەۆ.
سونىمەن قاتار سپيكەرلەر سايلاۋ ۇردىستەرىن قالىپتاستىرۋداعى الەۋمەتتىك جەلىلەردىڭ ءرولىن, سايلاۋدى ۇيىمداستىرۋ مەن وتكىزۋدەگى باسقا ەلدەردىڭ تاجىريبەسى تۋرالى كەڭىرەك تالقىلادى. جيىن سوڭىندا قاتىسۋشىلار سايلاۋدىڭ ماڭىزدىلىعىن ايتا وتىرىپ, بارشا قازاقستاندىقتاردى سايلاۋعا قاتىسۋعا شاقىردى.
