جاز كۇندەرى ەلىمىزدە 236 قالا سىرتىنداعى لاگەر, 11 مىڭعا جۋىق مەكتەپ جانىنداعى لاگەر, 1700-دەن استام شاتىرلى لاگەر جۇمىس ىستەيدى. وندا 2 ملن 842 مىڭ وقۋشى قامتىلماق. ال رەسپۋبليكاداعى لاگەرلەردە 2,1 ملن استام وقۋشى دەمالادى. قالا سىرتىنداعى بالالاردى ساۋىقتىرۋ ۇيىمدارىن رەسپۋبليكامىزدىڭ وڭتۇستىك وڭىرلەرىندە 1-10 ماۋسىم ارالىعىندا, باسقا وڭىرلەردە 15-20 ماۋسىمنان كەيىن اشۋ جوسپارلانۋدا.
«ساۋىقتىرۋ ۇيىمدارىنىڭ دايىندىعى قاجەتتى دەڭگەيدە ءجۇرىپ جاتقان جوق. تەك 48 قالا سىرتىنداعى بالالاردى ساۋىقتىرۋ ۇيىمى عانا سانيتارلىق-ەپيدەميولوگيالىق قورىتىندى العان», دەدى دەنساۋلىق ساقتاۋ ۆيتسە-ءمينيسترى كامالجان نادىروۆ.
ونىڭ ايتۋىنشا, مينيسترلىكتىڭ باقىلاۋىندا 7 مىڭنان استام بالالاردى ساۋىقتىرۋ ۇيىمى بار, ونىڭ ىشىندە 236-سى – قالا سىرتىنداعى بالالاردى ساۋىقتىرۋ ۇيىمى. سونداي-اق دەنساۋلىق ساقتاۋ ۆيتسە-ءمينيسترى «مونيتورينگ ناتيجەسى بالالار لاگەرىندە ازىق-ت ۇلىككە بايلانىستى جاعدايلاردىڭ ءجيى ورىن الاتىنىن انىقتادى. ياعني, تاماق ونىمدەرىنىڭ لابوراتوريالىق زەرتتەۋگە ساي كەلمەۋى, دۇرىس دايىندالماۋى جانە ساقتالۋى جاعىنان ماسەلەلەر تۋىندايدى», دەدى.
