كوپ بالالى وتباسىلارعا ارنالعان 150 پاتەر قالالىق «بەرەكەلى باسپانا» جالدامالى باسپانا باعدارلاماسى اياسىندا تابىستالادى. پاتەرلەردى بەرۋ ەكى كەزەڭنەن تۇرادى. ونىڭ العاشقى كەزەڭىندە 17 ماۋسىمعا دەيىن قۇجاتتار جيناۋ جانە قابىلداۋ جۇمىستارى, ال 15 شىلدەدەن باستاپ قونىستاندىرۋ جۇمىستارى جۇرگىزىلەدى.
اكىمدىكتە اتاپ وتكەندەي, قابىلدانىپ جاتقان شارالار از قامتىلعان كوپ بالالى وتباسىلاردىڭ باسپانا جاعدايىن جاقسارتۋعا مۇمكىندىك بەرەدى. بۇل ءوز كەزەگىندە حالىقتىڭ ال-اۋقاتىنىڭ جوعارىلاۋىنا سەپتىگىن تيگىزەدى.
ايتا كەتەيىك, بۇگىندە ەلوردادا 46 مىڭ ادام تۇرعىن ءۇي الۋ كەزەگىندە تۇر, ونىڭ 3000-نان استامى كوپ بالالى وتباسىلار. تۇرعىن ءۇي كەزەگىندە حالىقتىڭ الەۋمەتتىك جاعىنان وسال توپتارىنا جاتاتىن ازاماتتار تۇر, ولاردىڭ قاتارىندا كوپ بالالى انالار, تۇرمىسى تومەن ازاماتتار, مۇمكىندىگى شەكتەۋلى جاندار بار. ەلوردادا وسى جىلدىڭ سوڭىنا دەيىن شامامەن 2 مىڭ پاتەر بەرىلەدى.
«كوپ بالالى وتباسى» ساناتىندا تۇرعىن ءۇي كەزەگىندە تۇرعان كوپ بالالى وتباسىلار نۇر-سۇلتان قالاسى اكىمدىگىنىڭ «تۇرعىن ءۇي قورى» كوممۋنالدىق مەملەكەتتىك مەكەمەسىنە (ر. قوشقارباەۆ, 39) جۇگىنۋى ءتيىس, بايلانىس ءنومىرى: 79-34-50.
