بۇل وقيعا بويىنشا استانالىق پوليتسەيلەر قىلمىستىق كودەكستىڭ 141-بابىندا كورسەتىلگەن «بالالاردىڭ ءومiرi مەن دەنساۋلىعىنىڭ قاۋiپسiزدiگiن قامتاماسىز ەتۋ جونiندەگi مiندەتتەردi ءتيىسىنشە ورىنداماۋ» بويىنشا ءىس قوزعاپ, تەرگەۋدى باستاعان. وسى جازاتايىم وقيعاعا وراي جۋرناليستەر الدىنا شىعىپ, تۇسىنىك بەرگەن نۇر-سۇلتان قالالىق ءبىلىم باسقارماسى باسشىسىنىڭ ورىنباسارى دۋلات جەكەباەۆ ءىستىڭ اق-قاراسى وسى تەرگەۋ جۇمىستارىنان كەيىن ايتىلادى دەگەنىمەن, ءوزىنىڭ قولىنداعى بىرقاتار مالىمەتىمەن ءبولىستى.
– قازا بولعان قىز بالا №10 مەكتەپتىڭ وقۋشىسى. جازعى لاگەرگە اتا-اناسىنىڭ وتىنىشىمەن جازىلعان. اتا-انالار بالالارىن «حان شاتىرداعى» باسسەينگە اپارۋدى وتىنگەن. باسسەينگە بالالاردى مەكتەپ مۇعالىمدەرىمەن بىرگە بىرنەشە اتا-انا دا اپارعان. جالپى, باسسەينگە 200-دەي بالا بارعان, – دەدى د.جەكەباەۆ.
باسقارما وكىلىنىڭ ايتۋىنا قاراعاندا, «حان شاتىرعا» مەكتەپ جانىنداعى جازعى لاگەرلەردە دەمالىپ جاتقان بالالار جىل سايىن توپتاستىرىلىپ اپارىلادى ەكەن.
– «حان شاتىرداعى» نۇسقاۋشىلار تاراپىنان بالانىڭ قاۋىپسىزدىگىنە بايلانىستى بارلىق شارا دۇرىس ورىندالعان, – دەدى د.جەكەباەۆ.
قولداعى دەرەكتەرگە قاراعاندا, قازا تاپقان جەتكىنشەك وتباسىنداعى ءتورت بالانىڭ ۇلكەنى بولعان.
باسسەينگە كەلگەن بالالار توبىنا تاربيەشىلەر, ءتالىمگەرلەر مەن اتا-انالاردان قۇرالعان 24 ەرەسەك ادام باسشىلىق ەتكەن.
