مەملەكەت باسشىسى كوللەدجدىڭ وقۋ كورپۋسىن, لابوراتوريالارىن, شەبەرحانالارىن, كىتاپحاناسى مەن جاتاقحاناسىن ارالاپ كوردى.
قازاقستان پرەزيدەنتىنە حالىقارالىق ستاندارتتار مەن الەمدىك وزىق تاجىريبەنى, سونداي-اق, شەتەلدىك جانە وتاندىق مۇناي-گاز كومپانيالارىنىڭ تالاپتارىن ەسكەرە وتىرىپ ازىرلەنگەن يننوۆاتسيالىق ءبىلىم باعدارلامالارىن پايدالانۋ APEC PetroTechnic كوللەدجىنىڭ باستى ەرەكشەلىگى ەكەنى باياندالدى.
تاجىريبەگە نەگىزدەلگەن وقىتۋ بارىسىندا شىنايى وندىرىستىك ۇدەرىستەر جاسالادى. سونىڭ ارقاسىندا تۇلەكتەر كوللەدج بىتىرگەن سوڭ, بىردەن وندىرىستەگى كۇردەلى مىندەتتەردى تابىستى اتقارا الادى.
ستۋدەنتتەرمەن جانە وقىتۋشىلار ۇجىمىمەن اڭگىمەلەسۋ بارىسىندا قاسىم-جومارت توقاەۆ ءىرى حالىقارالىق مۇناي-گاز كومپانيالارى ءۇشىن مامانداردى شەتەلدە ەمەس, قازاقستاندا دايارلاۋدىڭ ماڭىزدىلىعىن ايتتى. ونىڭ پىكىرىنشە بۇل ءۇشىن كوللەدجدە بارلىق جاعداي جاسالعان.
