تىلگە دەگەن ىقىلاسقا ريزا بولدىم
سەيسەنبى, 30 ءساۋىر 2013 2:21
مەن ءبۇگىنگى سەسسيانىڭ ۇرانىنداعى «ءبىر حالىق – ءبىر ەل – ءبىر تاعدىر» دەگەنگە «ءبىر – ءتىل» دەگەندى دە قوسار ەدىم. مەن ءبىزدىڭ قازاق ءتىلى قازاقتاردىڭ عانا ەمەس, بارلىق قازاقستاندىقتاردىڭ ورتاق قاتىناس تىلىنە اينالعانىن قالايمىن. بۇگىن, مىنە, قازاقستان حالقى اسسامبلەياسىنىڭ حح سەسسياسىندا قازاق ءتىلىنىڭ دامۋىنا, قولدانىلۋىنا بايلانىستى تۋىسقان ۇلتتار وكىلدەرىنىڭ اۋزىنان قانشاما جىلى لەبىزدەر ەستىپ, ءبىر مارقايىپ قالدىم.
سەيسەنبى, 30 ءساۋىر 2013 2:21
مەن ءبۇگىنگى سەسسيانىڭ ۇرانىنداعى «ءبىر حالىق – ءبىر ەل – ءبىر تاعدىر» دەگەنگە «ءبىر – ءتىل» دەگەندى دە قوسار ەدىم. مەن ءبىزدىڭ قازاق ءتىلى قازاقتاردىڭ عانا ەمەس, بارلىق قازاقستاندىقتاردىڭ ورتاق قاتىناس تىلىنە اينالعانىن قالايمىن. بۇگىن, مىنە, قازاقستان حالقى اسسامبلەياسىنىڭ حح سەسسياسىندا قازاق ءتىلىنىڭ دامۋىنا, قولدانىلۋىنا بايلانىستى تۋىسقان ۇلتتار وكىلدەرىنىڭ اۋزىنان قانشاما جىلى لەبىزدەر ەستىپ, ءبىر مارقايىپ قالدىم. بۇگىن, ەلباسى ايتقان قازاق ءتىلى بارشا قازاقستاندىقتاردى جاقىنداستىراتىن فاكتورعا اينالۋى ءتيىس دەگەن تالابىنا جاقىنداپ كەلە جاتقانىمىزعا كۋا بولعانداي بولىپ تۇرمىن. قانشاما ەتنوس وكىلدەرى وزدەرىنىڭ سوزدەرىن قازاق تىلىندە باستاپ, ءتىپتى تازا سويلەۋگە ىقىلاستى ەكەندىكتەرىن كورسەتىپ جاتتى. وسىعان قاراپ, جوعارىداعى ۇرانعا «ءبىر – ءتىل» دەگەندى دە قوساتىن كەزدىڭ كەلگەنىن, قوعامنىڭ سوعان ءپىسىپ-جەتىلگەنىن كورىپ تۇرعاندايمىن.
ونىڭ ۇستىنە قازاقستاننىڭ ەكونوميكاسى كوتەرىلدى. قازىر اتى بارلىق الەمگە تانىلدى. ەلىمىزدەگى بارلىق ۇلت وكىلدەرىنىڭ جاعدايى جاقسى, قازاقتان ارتىق بولماسا كەم ەمەس. بۇدان ارتىق نە جاعداي كەرەك؟ ەندى ءبىزدىڭ باياعىدان بەرى ايتىپ كەلە جاتقان: مەملەكەتتىك ءتىل بارلىق قازاقستاندىقتاردىڭ نەگىزگى ءتىلى بولماي, ەلدىڭ ءوسۋى قيىن دەگەنىمىز ورىندالاتىن ۋاقىتقا جەتتىك قوي دەپ ويلايمىن.
ومىرزاق ايتباەۆ,
اكادەميك.
