«بىرىڭعاي تەرەزەنى» ەنگىزۋدىڭ نەگىزىندە سەق قاتىسۋشىلارىنا سول نەمەسە وزگە قۇجاتتار مەن رۇقساتتار جيناۋ ءۇشىن ءار ءتۇرلى مەكەمەلەرگە بارۋ قاجەت بولمايدى. كەدەندىك راسىمدەردى ءوتۋ پروتسەستەرى تەزدەتىلەدى جانە وڭايلاتىلادى, سەق قاتىسۋشىلارىنىڭ ۋاقىت جانە قۇن شىعىندارى ازايادى.
شەشىمدەر قابىلداۋ كەزىندە ادام فاكتورىن بولدىرماۋ سىبايلاس جەمقورلىق كورىنىستەرىن بارىنشا ازايتۋعا, كەدەندىك جانە وزگە دە مەملەكەتتىك ورگاندارى ارەكەتتەرىنىڭ ايقىندىلىعىن ارتتىرۋعا مۇمكىندىك بەرەدى.
«بىرىڭعاي تەرەزە» پورتالىنىڭ كومەگىمەن سەق قاتىسۋشىلارى ەكسپورتتىق-يمپورتتىق وپەراتسيالار جاساۋ ءۇشىن قاجەتتى اقپاراتتى ستاندارتتالعان تۇردە بىرىڭعاي ينتەرفەيس ارقىلى ۇسىنا الادى. سونىمەن بىرگە, پورتال تاۋارلاردى اكەلۋ/اكەتۋ ءۇشىن قاجەتتى الدىن الا اقپاراتتى الۋ مۇمكىندىگىن بەرەدى. «بىرىڭعاي تەرەزە» ارقىلى ەكسپورتتىق-يمپورتتىق وپەراتسيالارعا قاجەتتى بارلىق رۇقسات قۇجاتتاردى الۋ, ورىندالۋ مارتەبەسىن, ونىڭ ىشىندە مەملەكەتتىك ورگانداردىڭ جۇيەلەرىمەن ينتەگراتسيالاۋ ەسەبىنەن باقىلاۋ مۇمكىندىگى ۇسىنىلاتىن بولادى. پورتالدىڭ فۋنكتسيونالىنا جانە ونىڭ نەگىزگى ەلەمەنتتەرىنە مىنالار كىرەدى:
- ەلەكتروندى رۇقسات قۇجاتتارىن جانە ليتسەنزيالاردى الۋ;
- كەدەن ءىسى سالاسىنداعى قىزمەتتى جۇزەگە اسىراتىن تۇلعالاردىڭ مارتەبەسىن الۋ بويىنشا ەلەكتروندى قىزمەت كورسەتۋ;
- ەلەكتروندى كەدەندىك دەكلاراتسيالاۋ;
- كەدەندىك الدىن الا شەشىمدەردى بەرۋ بويىنشا ەلەكتروندى قىزمەت كورسەتۋ;
- ينتەگراتسيالانعان كەدەندىك تاريف;
- انىقتامالىقتار جانە قۇجاتتار ءتىزىلىمى;
- ءنورماتيۆتى-قۇقىقتىق قۇجاتتامانى ىزدەۋ جانە قاراۋ.
اعىمداعى جىلدىڭ 27 ناۋرىزىندا «بىرىڭعاي تەرەزە» پورتالىن پايدالانۋعا ەنگىزۋدىڭ ءبىرىنشى كەزەڭى جۇزەگە اسىرىلعان. 2019 جىلدىڭ اياعىنا دەيىن «بىرىڭعاي تەرەزە» مەحانيزمىن ونەركاسiپتiك پايدالانۋعا iسكە قوسۋ جوسپارلانعان.
ەكسپورتتىق-يمپورتتىق وپەراتسيالار بويىنشا «بىرىڭعاي تەرەزە» پورتالىنىڭ جەكە پاراعىنىڭ مەكەن-جايى – www.eokno.gov.kz (www.sw.gov.kz)
پورتالدىڭ جۇمىسىنا قاتىستى ماسەلەلەر بويىنشا https://t.me/eoknokz سىلتەمەسى بويىنشا Telegram بۇقارالىق توبىنا حابارلاسۋعا بولادى.
