«قازاقستاننىڭ تاريحي-اعارتۋ «ادىلەت» قوعامى» رەسپۋبليكالىق قوعامدىق بىرلەستىگى جانە ۇلتتىق كىتاپحانادا ۇيىمداستىرۋىمەن «تاريحتان تاعلىم – وتكەنگە تاعزىم» كىتاپ كورمەسى «اشارشىلىق پەن ۇلكەن تەرروردىڭ تاريحي ساباقتارى» حالىقارالىق عىلىمي-تاجىريبەلىك كونفەرەنتسيامەن جالعاسىن تاپتى. عالىمدار باس قوسۋىندا جاپپاي ساياسي قۋعىن-سۇرگىن مەن اشارشىلىق ستاليندىك قۋعىن-سۇرگىن, ۇلتتىق كوتەرىلىسكە ارنالعان باياندامالار جاسالدى.
بۇل داتا قازاقستان ءۇشىن ايرىقشا ماعىناعا يە. «حالىق جاۋلارىن» انىقتاۋ بويىنشا قاتاڭ ساياساتتىڭ سالدارىنان قۋعىن-سۇرگىنگە ۇشىراعانداردىڭ وزدەرى عانا ەمەس, ولاردىڭ جاقىندارى دا زارداپ شەكتى. قازاقستاندا 103 مىڭنان استام ادام قۋعىن-سۇرگىنگە ۇشىرادى, 25 مىڭنان استامى اتۋ جازاسىنا كەسىلدى. ولاردىڭ اراسىندا قازاق زيالىلارى: عالىمدار, مادەنيەت جانە ساياسات سالاسىنىڭ قايراتكەرلەرى بولدى.
ساياسي قۋعىن-سۇرگىن قازاقستاندا 1928 جىلدىڭ ورتاسىنان الاش قوزعالىسى قاتىسقان قايراتكەرلەردى تۇتقىنداۋدان باستالدى. ولارعا «بۋرجۋازياشىل-ۇلتشىل» دەگەن ايىپ تاعىلدى. ولار ءارتۇرلى مەرزىمگە تۇرمەگە قامالدى, اتۋ جازاسىنا كەسىلدى, ەرىكسىز جەر اۋدارىلدى. ۇلت قايراتكەرلەرىنە نەگىزىنەن كسرو-نى قۇلاتۋ ءۇشىن جاسىرىن كونتررەۆوليۋتسيالىق ۇيىمدار قۇردى دەگەن زاڭسىز جالا جابىلدى. مىنە, وشپەس تاريح بەتىندە جازىلعان ۇلت قايراتكەرلەرىنىڭ تاعدىرىنا قاتىستى, ۇلتتىڭ بولاشاعىمەن بايلانىستى تاريحي دەرەكتەر ورتادا توعىستى.
ءىس-شاراعا ساياسي قۋعىن-سۇرگىن قۇرباندارىنىڭ ۇرپاقتارى, بەلگىلى مادەنيەت جانە ونەر قايراتكەرلەرى, اقىن-جازۋشىلار, ستۋدەنتەر مەن باق وكىلدەرى قاتىستى.
