ساۋدانىڭ پروتسەدۋرالارىن وڭايلاتۋدىڭ باسىم باعىتتارىنىڭ ءبىرى - كەدەندىك پروتسەستەردى ماكسيمالدى اۆتوماتتاندىرۋ. بۇل جەردە تاۋارلاردى ەلەكتروندىق قۇجاتتاردى قولدانا وتىرىپ, ەلەكتروندىق دەكلاراتسيالاۋ تۋرالى ايتىلۋدا.
وسى ماقساتتا قازاقستاندا الەمنىڭ 95 ەلىندە قولدانىلاتىن ASYCUDA World پلاتفورماسىندا ازىرلەنگەن «استانا-1» كەدەندىك جانە سالىقتىق اكىمشىلەندىرۋدىڭ اۆتوماتتاندىرىلعان جۇيەسى ەنگىزىلدى.
كەدەندىك پروتسەدۋرالاردى جەڭىلدەتۋ جانە تەزدەتۋ, كەدەندىك تولەمدەر مەن سالىقتاردى ءوندىرىپ الۋدىڭ تيىمدىلىگىن كوتەرۋ, ەكسپورتتىق-يمپورتتىق وپەراتسيالار ءۇشىن بىرىڭعاي تەرەزەنى ىسكە اسىرۋ ءۇشىن سەنىمدى نەگىز قۇرۋ نەگىزگى ماقسات بولىپ تابىلادى.
«استانا-1» اج كوپ فۋنكتسيونالدى جانە كەشەندى جۇيە ەكەنىن ەسكەرە وتىرىپ, ونى ەنگىزۋ كەزەڭ-كەزەڭمەن جۇزەگە اسىرىلدى.
2017 جىلعى 1 قازاننان باستاپ «كەدەندىك ترانزيت» كىشى جۇيەسى ىسكە قوسىلدى.
2018 جىلعى 1 قاڭتاردان باستاپ «ەكسپورت» كەدەندىك ءراسىمى بويىنشا «كەدەندىك دەكلاراتسيالاۋ» كىشى جۇيەسى ىسكە قوسىلدى.
2018 جىلعى 1 ساۋىردەن باستاپ قالعان كەدەندىك راسىمدەر بويىنشا «كەدەندىك دەكلاراتسيالاۋ» كىشى جۇيەسى ىسكە قوسىلدى.
«استانا-1» اج بىرەر ارتىقشىلىقتارى بار: الدىن الا اقپاراتتى ۇسىنۋ مەزەتىنەن باستاپ ءترانزيتتى رەسىمدەۋ, تاۋارلاردى ۋاقىتشا ساقتاۋ قويماسىندا ساقتاۋدان باستاپ, تاۋارلاردى شىعارعاننان كەيىن باقىلاۋعا دەيىن بۇكىل كەدەندىك پروتسەسكە اۆتوماتتاندىرىلعان باقىلاۋدى جۇزەگە اسىرۋ مۇمكىندىگى.
تاۋارلارعا ارنالعان دەكلاراتسيانى اۆتوماتتى شىعارۋ تاۋارلاردى كەدەندىك تازارتۋدىڭ ۋاقىتىن 1 مينۋتقا دەيىن ازايتۋعا (بۇل دەكلاراتسيالاردىڭ جالپى سانىنىڭ 81%) ىقپالىن تيگىزدى.
انىقتاما:
- ترانزيت بويىنشا 691 مىڭنان استام ترانزيتتىك دەكلاراتسيا ۇسىنىلعان, ونىڭ 95% اۆتوماتتى تۇردە 1 مينۋتتا شىعارىلعان.
- ەكسپورت بويىنشا 120 مىڭنان استام تاۋارعا ارنالعان دەكلاراتسيا ۇسىنىلىپ, ونىڭ 91%-ءىن جۇيە اۆتوماتتى تۇردە شىعارعان.
- يمپورت جانە باسقا پروتسەدۋرالار بويىنشا 417 مىڭنان استام تاۋارلارعا ارنالعان دەكلاراتسيا ۇسىنىلىپ, ونىڭ 65%-ءىن جۇيە اۆتوماتتى تۇردە شىعارعان.
كەدەندىك دەكلاراتسيالاۋدى اۆتوماتتاندىرۋ سەقق-نا ۋسق, بروكەرلەرگە, كونسۋلتانتتارعا قاراجاتتار ۇنەمدەۋگە, سونداي-اق قاعاز تۇرىندە دەكلاراتسيالاۋ كەزىندە دەكلاراتسيانى وعان قوسا ۇسىنىلاتىن قۇجاتتارمەن بىرگە باسىپ شىعارۋ, جول شىعىندارى, دەكلاراتسيانى ۇسىنۋ جانە شىعارۋ كەزىندە كەزەكتى ناقتىلى كۇتۋ, ۋسق يەلەنۋشىلەرىنە ۋسق تاۋارلاردى الۋ ءۇشىن دەكلاراتسيالاردىڭ كوشىرمەلەرىن ۇسىنۋ جانە ت.ب. سياقتى ەلەۋلى شىعىنداردى تالاپ ەتەتىن باسقا دا اكىمشىلىك رەسۋرستاردى الىپ تاستاۋعا مۇمكىندىك بەردى.
جالپى, 2018 جىلى «استانا-1» اج ەندىرۋ ەسەبىنەن قارجىلىق شىعىندار قىسقاردى, بيزنەس 77,7 ملرد تەڭگە ۇنەمدەدى, بۇل - ەلەكتروندىق دەكلاراتسيالاۋدى ەنگىزۋدىڭ جاعىمدى ناتيجەسى.
سونىمەن بىرگە, دەكلاراتسيالاۋدى وڭايلاتۋعا جانە بيزنەستىڭ اقشا ۇنەمدەۋىنە بايلانىستى ەلدىڭ بيۋدجەتىنە قوسىمشا 13,5 ملرد تەڭگە ءتۇستى, سونداي-اق تاۋارلار يمپورتى ءوستى (كتمس تولەۋ بويىنشا جەڭىلدىكتەر ۇسىنىلعان يمپورتتى قوسا الماعاندا) - 327 380 ملن. تەڭگە.
سەقق جۇرگىزگەن سۇراۋعا سايكەس, دەكلاراتسيالاۋدى وڭايلاتۋ ەسەبىنەن 20% جۋىق بوساتىلعان اقشالاي قاراجات - 65 476 ملن. تەڭگە تاۋار اينالىمىنا سالىندى. سەقق 30% استامى بروكەرلەر قىزمەتىنەن باس تارتىپ, 17,7 ملرد تەڭگە قاراجاتتى ۇنەمدەدى, 10% اكىمشىلىك شىعىندار جانە دە تاسىمالداۋشىلار قىزمەتتەرى بويىنشا شىعىندار ازايتىلدى (تۇرۋلار, ەكسپەديتورلىق شىعىندار, تيەۋ/تۇسىرۋ).
سونىمەن بىرگە, كەدەندىك دەكلاراتسيالاۋدى اۆتوماتتاندىرۋ:
- 100% ەلەكتروندىق دەكلاراتسيالاۋدى (قاعاز قۇجاتتارىنان باس تارتۋ);
- مەملەكەتتىك ورگاندارمەن اقپاراتپەن, مالىمەتتەرمەن ونلاين الماسۋدى;
- ەاەو مۇشە-مەملەكەتتەردىڭ جانە باسقا ەلدەردىڭ كەدەن قىزمەتتەرىمەن اقپاراتپەن ونلاين الماسۋدى;
- تاۋارلاردى اكەلۋ مەزەتىنەن باستاپ تۇپكىلىكتى ساتۋعا دەيىن قاداعالاۋدى;
- بىرىڭعاي جەكە شوت;
- تاۋەكەلدەردى باسقارۋدىڭ بىرىڭعاي جۇيەسى;
- تاۋارلاردى الەمنىڭ كەز كەلگەن نۇكتەسىنەن دەكلاراتسيالاۋدى;
- تاۋارلار شىعارىلعاننان كەيىن باقىلاۋدى قامتاماسىز ەتۋگە مۇمكىندىك بەردى.
قازاقستان رەسپۋبليكاسىنىڭ حالىقارالىق رەيتينگىن كوتەرۋ جانە «استانا-1» اج سىبايلاس جەمقورلىققا قارسى ناتيجەسى:
قازاقستان رەسپۋبليكاسى حالىقارالىق ساراپشىلاردىڭ جاعىمدى باعاسىن الدى جانە بارلىق نەگىزگى حالىقارالىق رەيتينگتەر بويىنشا كوتەرىلدى.
- «Doing Business» «حالىقارالىق ساۋدا» رەيتينگى بويىنشا 21 پوزيتسياعا (123 ورىننان 102 ورىنعا دەيىن);
- «دۇنيەجۇزiلiك ەكونوميكالىق فورۋمنىڭ جاھاندىق باسەكەگە قابiلەتتiلiك رەيتينگىسىندەگi «كەدەندىك پروتسەدۋرالاردىڭ اۋىرتپالىعى» كورسەتكىشى بويىنشا 15 پوزيتسياعا (79 ورىننان 64 ورىنعا);
- «LPI» رەيتينگى بويىنشا «كەدەن ورگاندارى جۇمىسىنىڭ تيىمدىلىگى» 21 پوزيتسياعا (86 ورىننان 65 ورىنعا).
«استانا-1» جوباسىن ەنگىزۋ بيزنەس كليماتقا جاعىمدى اسەرىن تيگىزدى, سونداي-اق كەدەندىك دەكلاراتسيالاۋ پروتسەسىن اۆتوماتتاندىرۋ بارلىق كەدەندىك پروتسەدۋرالار بويىنشا (ترانزيت, يمپورت, ەكسپورت, باسقا پروتسەدۋرالار) دەكلاراتسيالاردى اۆتوماتتى تۇردە شىعارۋدىڭ تالداۋىن ەسكەرە وتىرىپ سىبايلاس جەمقورلىق تاۋەكەلدەرىن رەسپۋبليكا بويىنشا 87% تومەندەتۋگە جاعىمدى اسەرىن تيگىزدى.
وسىلايشا, كەدەندىك راسىمدەۋ پروتسەسىن اۆتوماتتاندىرۋ بويىنشا 80%-تەن كەم ەمەس جانە اكتسەنتتى كەدەندىك تازارتۋ كەزەڭىنەن تاۋاردى شىعارۋ كەزەڭىنە الماستىرۋ ەسەبىنەن كەدەندىك راسىمدەۋ ۋاقىتىن ازايتۋ بويىنشا قر قم مكك ستراتەگيالىق ماقساتتارىنا قول جەتكىزىلدى.
