بۇل جونىندە قازاقستاننىڭ مىسىرداعى ەلشىسى ارمان يساعاليەۆپەن كەزدەسۋ بارىسىندا ۇيىمنىڭ كاير قالاسىنداعى عىلىم مادەني جوبالارىنىڭ ۇيلەستىرۋشىسى بولىپ تابىلاتىن امل اراب زەرتتەۋلەر ينستيتۋتىنىڭ باسشىلىعى حابارلادى. ALECSO كىتاپتارعا ءوزىنىڭ لوگوسىن قويۋ قۇقىعىن بەرۋمەن قوسا, ولاردى اراب مەملەكەتتەرىندە ۇلەستىرۋگە قولداۋ كورسەتۋگە دايىندىعىن ءبىلدىردى.
ءمالىم بولعانداي, بيىل قر تۇڭعىش پرەزيدەنتى - ەلباسى نۇرسۇلتان نازارباەۆتىڭ باستاماسى – «رۋحاني جاڭعىرۋ» باعدارلاماسىنىڭ شەڭبەرىندە «زاماناۋي قازاق ادەبيەتى جاھاندىق الەمدە» اتتى جوباسى بويىنشا قازاقستاندىق 60 اقىن-جازۋشىنىڭ تاڭدالعان شىعارمالارى بۇۇ-نىڭ رەسمي التى تىلىنە اۋدارىلىپ, باسىلىپ شىعادى. ءاربىر انتولوگيانىڭ تيراجى 10 مىڭ دانادان اسىپ تۇسەدى.
اراب تىلىنە اۋدارىلعان شىعارمالار جيناعى 22 اراب مەملەكەتىندەگى 5 مىڭنان استام ءىرى ۋنيۆەرسيتەتتەرگە, كىتاپحانالارعا جانە زەرتتەۋ ورتالىقتارىنا تاراتىلادى.
