بۇگىن ولاردىڭ قاي باعىتقا باسىمدىق بەرەتىنى الماتىدا كەزدەسۋدە بەلگىلى بولدى: بىرىنەن سوڭ ءبىرى جارىسسوزگە شىققان كومپانيا وكىلدەرى عالامتور ارقىلى قارجى تابۋ, جارناما بەرۋدىڭ ءتۇرلى جولدارىن ۇسىندى: «مail.ru» كومپانياسى عالامتور ونىمدەرى ماسەلەلەرىمەن اينالىساتىن ءبولىمنىڭ جەتەكشىسى ءجاميلا دوسىبي سالعان جەردەن قازاقستاندىقتاردىڭ ەكونوميكالىق بەلسەندى تۇرعىندارىنىڭ 80 پايىزى وزدەرىنىڭ قىزمەتىنە جۇگىنەتىنىن ايتتى. وسىدان بىرەر جىل بۇرىن «ۆك» نەمەسە «ودنوكلاسنيكي» توپتارى ارقىلى ەكونوميكالىق جانە الەۋمەتتىك بەلسەندى توپتىڭ بەتىن بەرى قاراتىپ العان كومپانيا ەندى جازىلۋشىلارىن عالامتور ارقىلى قارجى تابۋعا نەمەسە جارناما بەرۋگە ۇيرەتۋگە بەلسەنى كىرىسىپ كەتكەنىن ءمالىم ەتتى. كومپانيانىڭ تارگەتتەۋ جەلىسى بويىنشا جازىلۋشىلاردىڭ الەۋمەتتىك مارتەبەسىن نەمەسە قانشا قارجى تاباتىنىن انىقتاۋ ولارعا تۇك تە قيىن سوقپايدى ەكەن. بۇل, ءجاميلا ءدوسىبيدىڭ پايىمداۋىنشا, جاىلۋشىلاردىڭ ينتەرنەت دۇكەندەگى زاتتارعا ءلۇپىل باسۋ نەمەسە سىرتتاي شولۋلارىنا قاراپ-اق بايقالۋعا بولادى ەكەن.
«ايلىق تابىسى 10 0000 مىڭ تەڭگەدەن اسپايتىن كليەنت باعاسى شامامەن 40-50 مىڭ تەڭگە تۇراتىن زاتتاردى كورەدى نەمەسە سوعان تاپسىرىس بەرەدى. ءبىزدىڭ ەندىگى ۇرانىمىز «ءبىز سىزدەر تۋرالى ءبارىن بىلەمىز, ءبىز سىزدەردىڭ تالعامدارىڭىزعا قاراپ باعىت-باعدارىمىزدى ءارتاراپتاندىرا الامىز» دەگەن كوزقاراستىڭ اينالاسىندا بولادى», دەيدى ءجاميلا دوسىبي.
سونداي-اق, ءجاميلا دوسىبي قازىرگى ينتەگراتسيا زامانىندا تۇرعىنداردىڭ اقپاراتتىق-تەحنولوگيالىق ساۋاتتىلىعى عالامتور بويىنشا قىزمەت كورسەتەتىن كومپانيالاردىڭ باعىت-باعدارىنا ىقپال ەتە الاتىنىن ايتتى: الپاۋىت كومپانيالاردىڭ وزدەرى تۇرعىنداردىڭ ساۋاتتىلىعىنا مۇددەلى ەكەن. سول سەبەپتى ولار 2018 -2019 جىلدار اراسىندا قازاقستاننىڭ شالعاي اۋداندارىندا بيزنەس –ترەنينگتەر وتكىزىپ قايتىپتى. مۇنىڭ ناتيجەسى كوپ كۇتتىرمەگەن. قازىر «مail.ru» توبىنىڭ قولدانۋشىلارى 16-18 جاستان 40-55 جاس ارالىعىنداعى اۋديتوريانى وزدەرىنە قاراتىپ ۇلگەرىپتى.
ءبىز قازىر اۋديتوريامىزدىڭ مۇمكىندىكتەرىن سارالاپ جاتىرمىز. قازىر عالامتور بويىنشا جىلدام دايىندالاتىن تاماق بەرۋگە بايلانىستى جوبامىز ءوزىن-ءوزى اقتادى: ەندى, مۇمكىن قور بيرجالارىمەن بايلانىسقا شىعىپ, تۇتىنۋشىلارىمىزدىڭ اكتسيالار نارىعىنا دەگەن ىقىلاسىن بايقاپ كورەتىن بولامىز», دەپ اتاپ ءوتتى ءجاميلا دوسىبي.
ساراپشىلار عالامتور بويىنشا سەرۆيستىك قىزمەت كورسەتۋ بويىنشا باسەكە «مail.ru», رامبلەر جانە ياندەكستىڭ اراسىندا بولعانىن ايتادى. قازىر «مail.ru» مەن «ياندەكس» نارىقتىڭ وسى سەگمەنتىنىڭ گەنەراتورى.
«1990-2000 جىلداردىڭ باس كەزىنە دەيىن كومپانيالاردىڭ جۇمىسىندا اسا وزگەرىس بايقالا قويمايدى: مىسالى «مail.ru» كومپانياسىنىڭ تانىمالدىلىعىنا ەلەكتروندى جەلى عانا ەمەس, «موي مير » تارگەتتەۋ جەلىسى كوپ اسەر ەتتى. تەحنولوگيالاردىڭ دامۋى باعىت–باعدارىمىزدى ءارتاراپتاندىردى. مىسالى, سوڭعى ءۇش كومپانيانىڭ باعىت –باعدارىندا ۇقساستىق كوپ. ۇشەۋى دە ءتۇرلى تاقىرىپتار بويىنشا سۇرانىس قابىلدايدى, جارناما ارقىلى تابىس تابۋدى ۇسىنادى. ازىرگە ياندەحس قىزمەت تۇرىنە كولىكتىك قىزمەت كورسەتۋ جەلىسىن قوسىپ, بىزدەن ەرەكشەلەنىپ ۇلگىردى. بۇل جاڭالىق بىزگە وسىعان دەيىن باسىم بولىپ كەلگەن كەيبىر باعىتتاردى وزگەرتۋگە تۋرا كەلىپ تۇر», دەپ ءسوزىن اياقتادى ءجاميلا دوسىبي.
«ياندەكس» كومانياسىنىڭ وكىلى وكسانا پەشكوۆا سوڭعى جىلدارى ينتەرنەت سەرۆيس بويىنشا سۇراۋ سالاتىن توپتىڭ قازاق ءتىلدى سەگمەنتىنىڭ قاتارىنىڭ كوبەيىپ كەلە جاتقانىن ايتتى. مىسالى, 2000 جىلداردىڭ باس كەزىندە كومپانيا ۇسىنعان قىزمەت تۇرىنە جۇگىنەتىندەردىڭ 90 پايىزى وزگە تىلدەر بولسا, قازىر 65 پايىز قازاق ءتىلدى سەگمەنتىڭ ۇلەسىندە ەكەن. بيىلعى جىلدىڭ مامىر ايىندا «ياندەكس» كومپانياسى ءوزىنىڭ جەكە گادجەتىن شىعارىپ ۇلگەردى.
